1. Kijan li mache
Pwogram Koneksyon Abòdab la (ACP) bay lakay ou yon rabè $30 sou sèvis entènèt chak mwa. W ap bezwen enskri pou yon plan nan men yon founisè entènèt k ap patisipe nan pwogram nan.
- Avèk ACP, ou kapab jwenn yon:
- Rabè sou sèvis: jiska $30 rabè chak mwa sou yon plan entènèt ak lokasyon ekipman.
- Rabè sou aparèy: jiska $100 rabè pou yon laptòp, tablèt oswa òdinatè (ou pral bezwen peye yon kopeman ki ant $10 ak $50).
- ACP se yon ranplasman Avantaj Entènèt Ijans Rapid la (Emergency Broadband Benefit, EBB).
- Si ou te enskri nan EBB, w ap jwenn rediksyon mansyèl $50 EBB a jouk rive 1ye Mas 2022. Apre sa, ou ka transfere nan ACP pou jwenn yon rabè $30. Founisè w la ap fè w konnen si w transfere nan ACP.
- Ou pa bezwen yon sitwayen ameriken oswa ou pa bezwen gen yon Nimewo Sekirite Sosyal (Social Security Number, SSN) pou w kalifye.
- Lè w ap enskri pou sèvis entènèt atravè ACP lakay yon founisè entènèt:
- Founisè a ta ka verifye kredi ou. Sepandan, yo pa ka sèvi ak rezilta verifikasyon kredi a pou anpeche w enskri nan ACP.
- Yon founisè pa ka refize enskri w inikman poutèt ou dwe yon lòt founisè entènèt lajan.
Pwochen seksyon:
Fanmi
Elèv Enpak COVID-19 Fanm Ansent Ak Nouvo Paran Granmoun Aje Kach ak Depans Moun andikape Tout moun Veteran yoPlis fason pou jwenn èd ak pwogram sa a
Vizite sit entènèt la
Vizite acpbenefit.org pou jwenn plis enfòmasyon.
Depoze yon plent
Si w gen pwoblèm bòdwo oswa sèvis ak konpayi entènèt ou a ki enplike ACP a, ou kapab depoze yon plent ak FCC. FCC pral voye plent ou a bay konpayi entènèt la.
Imèl Sant Sipò ACP a
Rele Sant pou Sipò Ijans pou yon Gwo Debi (Emergency Broadband Support Center)
Rele 877-384-2575
9 A.M. jiska 9 P.M. Lè nan Ès
7 jou sou 7
Rele founisè pou gwo debi ou a
Kontakte founisè pou gwo debi a, si ou gen kesyon konsènan aparèy, sèvis, oswa fakti
2. Detèmine pou kisa ou kalifye
Fanmi w (fwaye w, kay ou a) kalifye si sèlman ou ka reponn wi pou omwen youn (1) nan kesyon sa yo:
- Èske yon moun nan kay la resevwa avantaj Lifeline?
- Si wi, ou otomatikman kalifye pou ACP. Kontakte konpayi entènèt ou a pou aprann kijan pou kòmanse jwenn rabè ACP.
- Èske gen yon manm nan fanmi an ki patisipe nan youn (1) nan pwogram gouvènman sa yo?
- Pwogram Asistans Nitrisyon Siplemantè (Supplemental Nutrition Assistance Program, SNAP)
- Medicaid
- Fanm, Tibebe ak Timoun (Women, Infants and Children, WIC)
- Revni Sekirite Siplemantè (Supplemental Security Income, SSI)
- Èd Federal pou Lojman Piblik (Federal Public Housing Assistance, FPHA)
- Avantaj Pansyon pou Veteran ak Sivivan
- Èske gen yon manm nan fanmi an ki te resevwa yon Sibvansyon federal Pell pou ane aktyèl la?
- Èske gen yon manm nan fanmi an ki jwenn manje midi oswa manje maten gratis a yon pri redui nan lekòl li a?
- Sa gen ladan li tout elèv ki ale nan yon lekòl piblik ki gen Jadendanfan jiska klas 12yèm ane nan vil New York.
- Èske revni fanmi an (revni kay, revni fwaye a) te nan kantite lajan yo montre nan tablo sa a oswa èske li te pi ba pase kantite lajan yo montre a?
| Kantite Moun ki nan Fanmi an (Kay la, Fwaye a) | Revni w |
| 1 | $27,180 |
| 2 | $36,620 |
| 3 | $46,060 |
| 4 | $55,500 |
| 5 | $64,940 |
| 6 | $74,380 |
| 7 | $83,820 |
| 8 | $93,260 |
| Pou chak moun anplis | +$9,440 |
Pwochen seksyon:
3. Sa ou bezwen mete
Men kèk dokiman ou ka bezwen pou pwouve elijibilite w pou ACP:
- Prèv ki di ou patisipe nan yon pwogram tankou SNAP, Medicaid, oswa WIC.
- Prèv revni moun nan kay ou
- Pyès idantite ou
- Prèv adrès ou
Prèv patisipasyon w nan pwogram lan
Ou ka pwouve kalifikasyon w selon patisipasyon w nan youn (1) nan pwogram sa yo:
- Pwogram Asistans Nitrisyon Siplemantè (Supplemental Nutrition Assistance Program, SNAP)
- Medicaid
- Fanm, Tibebe ak Timoun (Women, Infants and Children, WIC)
- Revni Sekirite Siplemantè (Supplemental Security Income, SSI)
- Èd Federal pou Lojman Piblik (Federal Public Housing Assistance, FPHA)
- Avantaj Pansyon pou Veteran ak Sivivan
- Sibvansyon Federal Pell pou aktyèl ane akademik la
- Manje midi gratis oswa a pri redui (lè w ale nan yon lekòl piblik ki gen Jadendanfan jiska klas 12yèm ane nan Vil New York)
Soumèt youn (1) nan dokiman sa yo:
- Avantaj nan yon lèt rekonpans
- Lèt apwobasyon
- Deklarasyon pou benefis yo
- Lèt verifikasyon pou avantaj yo
- Fòm enskripsyon lekòl la
Dokiman an dwe genyen:
- Prenon ak non manm fanmi an
- Non pwogram ou kalifye a
- Non gouvènman an, antite tribal, administratè pwogram, lekòl, distrik eskolè, inivèsite oswa kolèj kote dokiman an sòti
- Dat yo te ba ou l nan 12 dènye mwa yo oswa yon dat ekspirasyon ki ap rive
Prèv revni pou fanmi an
Soumèt youn (1) nan bagay sa yo pou ka pwouve kalifikasyon w dapre revni ou :
- Deklarasyon taks sou revni anvan an pou eta, federal, oswa tribal
- Deklarasyon revni aktyèl ki sòti nan men anplwayè ou oswa souch chèk ou
- Deklarasyon pou avantaj sekirite sosyal
- Deklarasyon avantaj pou administrasyon veteran yo
- Deklarasyon pou avantaj pou chomaj oswa pou aksidan nan travay
- Jijman Divòs, pansyon alimantè pou timoun, oswa yon dokiman ofisyèl ki menm jan ki montre revni ou
- Deklarasyon pou avantaj nan retrèt oswa pansyon
Dokiman an dwe genyen:
- Prenon ak non manm fanmi an
- Revni anyèl
Prèv idantite (si ou gen yon Nimewo Sekirite Sosyal)
Soumèt youn (1) nan bagay sa yo:
- Kat idantite gouvènman, militè, eta, oswa tribal
- Lisans Chofè
- Batistè
- Dokiman pou pwogram èd gouvènman an
- Sètifika Sitwayènte Ameriken oswa Natiralizasyon
- Kat Rezidan Pèmanan oswa Grinkat
- Kat Sekirite Sosyal
- W-2 oswa deklarasyon sou revni ki pi resan
- Dokiman pou dechaj militè
- Avantaj pou Chomaj oswa pou Aksidan nan Travay
Dokiman an dwe genyen:
- Prenon ak non fanmi
- Dat nesans ou
- 4 dènye chif Nimewo Sekirite Sosyal epi/oswa nimewo idantifikasyon tribal
Lòt prèv pou si w pa gen yon Nimewo Sekirite Sosyal (SSN)
Si ou pa bay kat (4) dènye chif nimewo Sekirite Sosyal ou a lè ou ap aplike, ou dwe soumèt yon kopi youn (1) nan dokiman sa yo:
- Pyès idantite gouvènman ameriken an bay
- Paspò Ameriken
- Lisans chofè Etazini
- Nimewo Idantifikasyon Kontribiyab Endividyèl
Prèv adrès
Soumèt youn (1) nan bagay sa yo si w ap aplike pa lapòs:
- Lisans Chofè oswa lòt kat idantite gouvènman, militè, eta, oswa tribal ki valid
- Bòdwo Sèvis Piblik
- Deklarasyon prè ipotekè oswa kontra lokasyon
- W-2 oswa deklarasyon sou revni ki pi resan
- Yon kat ki montre aklè adrès fizik ou oswa kote ou ye, li gen ladan l kowòdone sou latitid ak lonjitid (kowòdone yo obligatwa si ou ap viv nan yon tè Tribal)
Dokiman an dwe genyen:
- Prenon ak non fanmi
- Adrès fizik ou
Pwochen seksyon:
4. Kijan pou ou aplike
Men opsyon ou yo:
Aplike sou entènèt
- Ranpli aplikasyon sou entènèt la (li disponib an Anglè ak Panyòl).
- Yo ka apwouve w touswit apre w fin aplike a.
- Si sa pa fèt, w ap bezwen soumèt plis dokiman ki pwouve kalifikasyon w.
- Apre yo fin apwouve aplikasyon w lan, chwazi yon founisè ACP ki ofri rabè ACP a. Enskri pou sèvis la atravè yo.
Aplike pa lapòs
- Enprime epi ranpli aplikasyon an Anglè a oswa an Panyòl la (enstriksyon yo disponib tou nan 8 lang anplis).
- Si gen plis pase yon fanmi nan adrès ou a, ajoute nan aplikasyon ou an Fèy Travay Ekonomik pou Fanmi Endepandan an.
- Si ou gen mwens pase 18 lane, ajoute prèv ou se yon minè antisipe.
- Sanble dokiman w yo:
- Prèv idantite ak adrès
- Si ou pa gen yon SSN, soumèt yon lòt prèv.
- Epitou, w ap bezwen youn (1) nan bagay sa yo:
- Prèv patisipasyon w nan pwogram lan
- Prèv revni pou fanmi an
- Voye aplikasyon ak dokiman ou an nan:
- ACP Support Center
PO Box 7081
London, KY 40742
- ACP Support Center
- Apre yo fin apwouve aplikasyon w lan, chwazi yon founisè ACP ki ofri rabè ACP a. Enskri pou sèvis la atravè yo.
Aplike pa telefòn
Rele yon founisè ACP pou aplike pou ACP epi chwazi yon plan entènèt ki tou gen rabè ladan l.
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.