1. Kijan li mache
Asirans sante ede ou peye swen medikal ou te planifye oswa ki vini sanzatann. Opsyon asirans sante yo disponib pou tout Rezidan New York, menmsi ou pa yon sitwayen. Konseye yo disponib pou ede ou chwazi yon plan asirans sante.
- Plan asirans sante prive yo se plan kote ou peye yon sèten kantite lajan pou pwoteksyon. Yo rele yo tou Plan Sante Ki Kalifye.
- Rezidan New York yo kapab enskri oswa chanje pwoteksyon asirans sante prive yo pou ane 2023 a soti 16 Novanm 2022 – 31 Janvye 2023 . Enskri pa mwayen NY State of Health.
- Ou kapab jwenn èd finansyè lè ou enskri pa mwayen NY State of Health.
- Epitou, ou kapab achte asirans prive dirèkteman nan men yon konpayi asirans. Men, ou p ap kalifye pou èd finansyè.
- Plan asirans sante piblik yo gratis oswa yo nan pri ki ba. Sa gen ladan li Medicaid, Child Health Plus ak Essential Plan. Ou kapab enskri nan plan sa yo nenpòt lè nan ane a.
- Si ou deja enskri nan yon pwoteksyon jiska 31 Desanm 2022, pwoteksyon ou an ap pwolonje pou 12 mwa anplis.
- Lè ou aplike, yo ap tcheke kalifikasyon ou pou yon plan piblik.
- Granmoun ki poko gen 65 lane, fanm ansent ki pa gen anpil revni, ak timoun yo dwe enskri pa mwayen NY State of Health.
- Enskri nan kèk plan tankou Medicaid pa mwayen Administrasyon Resous Imèn NYC (HRA) si ou:
- gen 65 lane oswa plis
- gen nenpòt laj epi ou gen yon andikap oswa ou avèg
- ap resevwa Medicare epi ou pa yon paran oswa yon fanmi ki ap pran swen yon timoun ki minè
- se yon jèn adilt ki poko gen 26 lane, epi ou te nan fwaye dakèy anvan sa
Pwochen seksyon:
Plis fason pou jwenn èd ak pwogram sa a
Aprann plis sou opsyon asirans sante yo
Aprann plis sou opsyon ou genyen pa mwayen Aksè nan Asirans Sante HRA pou Tout Vil la.
Mande èd pou ou enskri
GetCoveredNYC ede Rezidan New York yo enskri nan asirans sante. Gen espesyalis devwe ki kapab ede ou nan lang ou an gratis.
Mande pou yon konseye rele ou
Ranpli yon Fòm Demann Èd pou Enskri nan Asirans Sante yon fason pou yon konseye nan kesyon enskripsyon rele ou. Gen èd gratis pou enskripsyon ki disponib kèlkeswa estati imigrasyon ou epi li nan plizyè lang. Yo ap kenbe enfòmasyon ou yo konfidansyèl.
Rele 311
Pou kesyon jeneral ou genyen sou asirans sante epi pou ou jwenn yon asistan fasafas.
2. Detèmine pou kisa ou kalifye
Ou kapab kalifye pou asirans sante piblik gratis oswa nan pri ki ba selon laj ou ak revni ou.
- Gade kritè kalifikasyon pou Medicaid, Child Health Plus, oswa Essential Plan lan.
- Si revni ou twò wo pou Medicaid, ou kapab toujou jwenn Medicaid pa mwayen Pwogram Revni Anplis Medicaid la.
- Epitou, sèvis enskripsyon ak konseye pou demann yo disponib pou tout Rezidan New York ki bezwen èd pou yo konprann epi enskri nan asirans sante.
Si ou pa kalifye pou asirans sante piblik oswa ou pa kapab achete yon plan:
NYC Care se yon pwogram swen sante nan NYC Health + Hospitals ki bay sèvis swen sante nan pri ki ba epi ki gratis. Li disponib pou Rezidan New York ki pa kalifye pou asirans sante oswa ki pa kapab peye asirans sante.
- Rele 646-NYC-CARE (646-692-2273) pou enskri nan NYC Care.
- Ale sou sit entènèt NYC Care la pou ou jwenn lokal swen pasyan NYC Health + Hospitals nan kominote ou a.
Pran yon ti sondaj pou wè si ou kapab kalifye pou pwogram sa a oswa 30 lòt pwogram.
Èske mwen kalifye?Pwochen seksyon:
3. Sa ou bezwen mete
Pou ou enskri nan plan asirans sante piblik yo, ou ap bezwen:
- Dokiman sitwayènte/imigrasyon ki montre kondisyon imigrasyon legal ou
- Nimewo Sekirite Sosyal (SSN)
- Dat nesans pou tout moun ki ap aplike nan fanmi an
- Enfòmasyon sou travay ou nan moman an
- Revni kay la
Pwochen seksyon:
4. Kijan pou ou aplike
Men opsyon ou yo:
Aplike sou entènèt
Gwoup moun sa yo dwe aplike anliy nan NY State of Health pou asirans sante:
- granmoun ki poko gen 65 lane
- fanm ansent ki pa gen anpil revni
- timoun
Aplike pa lapòs
Aplike nan Medicaid pa lapòs si ou se youn nan moun sa yo:
- ou gen 65 lane oswa plis
- ou se yon avèg ki sètifye
- ou se yon moun yo sètifye ki gen andikap
- ou se yon moun ki ap viv nan yon enstitisyon epi ki aplike pou pwoteksyon swen nan mezon retrèt.
Ranpli aplikasyon an ak fòm Sipleman A a. Voye demann ou an pa lapòs nan:
MAP Initial Eligibility Unit
PO Box 24390,
Brooklyn, NY 11202
Aplike pa telefòn
Granmoun ki poko gen 65 lane, fanm ansent ki pa gen anpil revni, ak timoun yo dwe enskri nan asirans sante pa mwayen NY State of Health. Rele 855-355-5777 oswa TTY: 800-662-1220.
Rele Liy Èd HRA a nan 888-692-6116 pou ou enskri nan Medicaid si ou:
- gen 65 lane oswa plis.
- ap resevwa Medicare epi ou pa yon paran/fanmi ki ap pran swen timoun ki minè.
- gen yon andikap epi/oswa ou avèg.
- se yon jèn adilt ki poko gen 26 lane, epi ou te nan fwaye dakèy anvan sa
Aplike fas a fas
NY State of Health gen asistan asirans sante pou:
- granmoun ki poko gen 65 lane
- fanm ansent ki pa gen anpil revni
- timoun
HRA gen Moun pou Fasilite Enskripsyon ki la pou ede ou enskri nan Medicaid ak lòt pwogram yo. Yo la pou moun ki:
- gen 65 lane oswa plis
- ap resevwa Medicare epi ki pa yon paran/fanmi ki ap pran swen timoun ki minè
- gen yon andikap epi/oswa ki avèg
- se yon jèn adilt ki poko gen 26 lane, epi ki te nan fwaye dakèy anvan sa
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.