Sote kontni prensipal la

Swen timoun gratis oswa ak yon pri ki ba pou timoun ki gen sis (6) semèn jiska de (2) lane

Pwogram Tibebe ak Timoun piti | Lekòl Piblik Vil New York

Kijan li mache

Pwogram Tibebe ak Timoun Piti yo bay gadri ak edikasyon pou timoun gratis oswa a bon mache pou timoun ki gen sis semèn jiska dezan. Gen plizyè santèn pwogram nan Vil New York ki ofri anviwònman aprantisaj sekirize e pozitif pou timoun yo.

  • Opsyon pou gadri timoun yo genyen ladan:
    • Pwogram Jounen ak Ane Pwolonje (EDY) pou Tibebe ak Timoun piti
      • Pou timoun ki gen sis (6) semèn jiska de (2) lane.
      • Pran plas nan sant oswa kay pou jiska 10 èdtan pa jou.
      • Fanmi yo pral bezwen peye kèk nan depans pou gadri pou timoun yo si yo pa resevwa asistans lajan Kach, si yo pa nan fanmi dakèy, oswa si yo pa sanzabri.
    • Pwogram Early Head Start
      • Bay sèvis pou timoun ki gen laj sis semèn jiska twazan (ki poko gen laj pou 3K).
      • Sèvis pou omwen uit èdtan pa jou.
  • Si w kalifye epi gen yon plas ki disponib, pitit ou a ka rantre nan yon pwogram nenpòt lè pandan ane a.

Detèmine pou kisa ou kalifye

Pwogram Jounen ak Ane Pwolonje (EDY) pou Tibebe/Timoun piti

Pou pwogram EDY, timoun yo dwe gen papye imigrasyon legal. Timoun yo elijib pou swen kèlkeswa sitiyasyon imigrasyon legal paran yo.

Ou dwe gen pou piti youn nan “rezon pou swen” sa yo ki apwouve:

  • Ou travay pandan 10 èdtan oswa plis pa semèn
  • Ou nan yon pwogram edikasyon oswa yon pwogram fòmasyon pwofesyonèl.
  • Ou kòmanse chèche yon travay oswa ou ap chèche yon travay depi 6 mwa omaksimòm. Sa gen ladan li chèche yon travay pandan ou ap resevwa avantaj pou chomaj
  • W ap viv nan yon lojman tanporè
  • W ap swiv sèvis pou vyolans domestik.
  • Ou sou tretman pou toksikomani (abi sibstans)
  • Ou kapab kalifye si revni moun nan kay la egal oubyen pi piti pase montan sa yo:
Kantite moun ki nan fanmi an Revni pa mwa Revni pa ane
2 $6,156 $73,869.56
3 $7,604 $91,250.63
4 $9,053 $108,631.70
5 $10,501 $126,012.77
6 $11,949 $143,393.84
7 $12,221 $146,652.80
8 $12,493 $149,911.75
9 $12,764 $153,170.70
10 $13,036 $156,429.65
11 $13,307 $159.688.60
12 $13,579 $162,947.55
13 $13,851 $166,206.50
14 $14,122 $169,465.45
15 $14,394 $172,724.40

Pwogram Early Head Start

Estati imigrasyon legal se pa yon kondisyon pou timoun oswa paran nan pwogram Early Head Start.

Pi bon fason pou w konnen si fanmi ou kalifye pou Early Head Start se kontakte yon pwogram dirèkteman. Fanmi ou kapab kalifye pou Early Head Start si omwen youn nan kategori sa yo aplikab pou ou:

  • W ap viv nan yon lojman tanporè
  • Ou resevwa Èd Finansyè (Cash Assistance) nan Administrasyon Resous Imèn (Human Resources Administration (HRA))
  • Ou resevwa Asirans Sekirite Siplemantè (Supplemental Security Insurance, SSI)
  • Ou resevwa avantaj SNAP
  • Ou enskri yon timoun ki nan fanmi akèy
  • Ou kapab kalifye tou si revni moun nan kay la egal oubyen pi piti pase kantite sa yo:
Kantite moun ki nan fanmi an Revni pa ane
1 $14,580
2 $19,720
3 $24,860
4 $30,000
5 $35,140
6 $40,280
7 $45,420
8 $50,560
Pou chak moun anplis, ajoute: $5,140

Kijan pou ou aplike

Aplike fas a fas

  1. Jwenn yon pwogram sou MySchools.
    • Klike sou “More Filters” epi tcheke nenpòt opsyon ki anba “EarlyLearn”.
    • Apresa, tape nan adrès akèy la pou chache yon pwogram ki toupre ou.
  2. Vizite yon pwogram. Estaf la pral ede w ranpli aplikasyon w lan.

Si ou deja gen avantaj HRA, fè demann ou an nan Sant Aksè pou Avantaj HRA yo asiyen w lan pito.

Jwenn yon pwogram


Plis enfòmasyon

Ale sou sit entènèt la

Jwenn plis enfòmasyon sou gadri nan NYCDOE.

Rele 311

Mande pou “EarlyLearn” si ou bezwen èd pou jwenn yon pwogram.


Retounen ladan pita.
Nou kapab voye yon lyen paj sa a pou ede ou retounen ladan lè ou pare.


Last Updated October 15, 2024

Rete enfòme osijè avantaj yo

Resevwa imèl detanzantan apwopo nouvèl sou avantaj yo, peryòd enskripsyon yo, ak dat limit yo. Gen tradiksyon disponib nan 11 lang.