1. Kijan li mache
HEAP ede fwaye ki pa gen anpil revni yo konble depans pou chofaj lakay yo. Avantaj la kapab peye pou gaz, sous sèvis piblik ou yo, ak ranplasman epi reparasyon ekipman chofaj. Nou peye founisè chofaj oswa konpayi sèvis piblik la avantaj la dirèkman. Ou kapab jwenn HEAP menmsi chofaj ou a antre nan lwaye w.
- Peryòd pou moun ka fè demann pou sibvansyon nòmal HEAPpou ane 2023-2024 la fini.
- Endemnizasyon pou Aksidan Travay/Andikap ijans:
- Peryòd pou moun fè demann pou jwenn kòb yo bay pou ede lè gen ijans pou ane 2023-2024 la te fini nan dat 22 jiyè 2024.
- Avantaj pou Ijans ka ede w chofe kay ou si w nan yon ijans ki gen rapò ak chalè.
- Avantaj ijans HEAP ak kalifikasyon yo baze sou:
- revni
- resous ki disponib
- kalite ijans lan
- Gen Lòt avantaj ki disponib tou:
- Avantaj Reparasyon ak Ranplasman Ekipman Chofaj (Heating Equipment Repair and Replacement, HERR) : ede w repare oswa ranplase fou ou, chodyè a ak lòt ekipman chofaj dirèk si w se yon pwopriyetè kay.
- Avantaj Netwayaj ak Optimizasyon: ede ou jwenn sèvis efikasite enèjetik tankou netwayaj ekipman chofaj.
- Pwogram pou fè kay yo gen tanperati ki fre – ede moun ki kalifye yo achte epi enstale klimatizè oswa vantilatè nan kay yo.
Pwochen seksyon:
Plis fason pou jwenn èd ak pwogram sa a
Ale sou sit entènèt la
Ale sou sit entènèt OTDA pou HEAP la pou aprann plis sou pwogram sa a.
Rele 311
Mande èd nan Pwogram Èd pou Enèji nan Kay.
Rele HEAP
Rele 718-557-1399 pou jwenn èd nan HEAP.
2. Detèmine pou kisa ou kalifye
Elijiblite ak avantaj Regilye HEAP yo baze sou:
- prezans yon moun nan kay la ki poko gen 6 lane, ki gen 60 lane oswa plis oswa ki gen yon andikap pèmanan
- prensipal sous chofaj la
- revni ak kantite moun ki nan kay la
| Kantite moun ki nan kay la | Revni Maksimòm Anvan Taks Chak Mwa pou peryòd 2023-2024 |
| 1 | $3,035 |
| 2 | $3,970 |
| 3 | $4,904 |
| 4 | $5,838 |
| 5 | $6,772 |
| 6 | $7,706 |
| 7 | $7,881 |
| 8 | $8,056 |
| 9 | $8,231 |
| 10 | $8,407 |
| 11 | $8,582 |
| 12 | $8,890 |
| 13 | $9,532 |
| Pou chak moun anplis, ajoute: | Ajoute $642 |
Moun lakay ou kapab elijib pou resevwa avantaj HEAP an Ijans yo si ou kapab reponn wi pou kesyon sa yo:
- Èske nenpòt nan sa yo aplikab pou ou?
- Yo koupe oswa prevwa koupe kouran ki fè sistèm chofaj oswa tèmosta ou a fonksyone a.
- Yo koupe sistèm chofaj ou oswa gen posibilite pou yo koupe li.
- Ou pa gen gaz oswa ou gen mwens pase yon ka tank gaz.
- Èske fakti pou chofaj oswa elektrisite ou a fèt sou non w?
- Èske resous ki disponib nan fwaye ou a:
- mwens pase $3,750 si li gen ladanl yon moun ki gen 60 an oswa plis oswa si moun nan poko gen 6 zan.
- mwens pase $2,500 si li gen ladanl yon moun ki gen 60 an oswa plis oswa si moun nan poko gen 6 zan.
- Èske w respekte youn nan direktiv sou revni sa yo?
- Ou resevwa avantaj SNAP, Èd Tanporè, oswa Revni Sekirite Siplemantè Kòd A.
- Fanmi w nan limit oswa anba limit direktif yo bay pou revni brit chak mwa ki ekri nan tablo ki vin apre a pou kantite moun ki lakay ou.
Pwochen seksyon:
3. Sa ou bezwen mete
Paj sa a kapab ede ou chwazi bon dokiman yo pou ou fè demann ou an.
Prèv rezidans (kote ou ap viv)
- Resi aktyèl pou lwaye ki gen non ak adrès lokatè ak pwopriyetè a oswa kontra lwaye a ki gen non ak adrès
- Deklarasyon nan men Pwopriyetè
- Fakti dlo, dlo twou regou, oswa taks
- Kontra Asirans Pwopriyetè/Lokatè
- Fakti sèvis piblik
- Kanè/resi pou pèman ipotèk ki gen adrès
Prèv relasyon ak founisè
- Fakti resan pou sèvis piblik oswa gaz
OSWA si ou pa peye pou chofaj:
- yon resi lwaye resan ki gen non ak adrès lokatè ak pwopriyetè a oswa kontra lwaye a ki gen non ak adrès
- OSWA yon deklarasyon pwopriyetè a fè ki montre chofaj la antre nan lwaye ou
Prèv revni ou
- Fich pèman pou kat (4) semèn ki pi resan yo
- Dosye antrepriz pou twa (3) mwa ki pi resan yo Oswa deklarasyon taks federal ki depoze pou ane aktyèl la, san wete tout lòt kote ki aplikab yo si ou se yon travayè endepandan oswa ou ap resevwa revni pou lwaye
- Òdonans oswa chèk pou sipò timoun oswa pansyon alimantè/sipò pou mari oswa madanm
- Deklarasyon Enterè/Bank/Vèsman lajan oswa Taks
Kopi lèt atribisyon oswa lèt ofisyèl pou bagay ki vin apre yo:
- Revni Sekirite Sosyal/Sekirite Siplemantè (SSI)
- Avantaj Veteran
- Pansyon
- Konpasasyon/Andikap Travayè
- Avantaj Asirans pou Chomaj
Prèv idantite
Bay youn nan bagay ki vin apre yo:
- Lisans Chofè
- Foto Idantite
- Paspò Ameriken oswa Sètifika Natiralizasyon
- Papye Adopsyon, Dosye Lopital oswa Doktè
- Dosye Lekòl
Oswa bay de (2) nan bagay ki vin apre yo:
- Sètifika Nesans oswa sètifika Batèm
- Kat Sekirite Sosyal ki valid
- Deklarasyon yon lòt moun
Prèv sekirite sosyal
- Yon nimewo Sosyal Sekirite pou moun nan fanmi ki gen youn.
Prèv vilnerabilite
Ou dwe bay youn nan prèv vilnerabilite ki vin apre yo pou yon moun lakay ou ki vilnerab (timoun ki poko gen 6 lane, granmoun ki gen 60 lane oswa plis, oswa nenpòt moun ki gen yon andikap):
- Sètifika nesans
- Sètifika batèm ki gen dat nesans
- Lèt atribisyon SSA
- Paspò
- Lisans chofè
- Deklarasyon elijiblite alekri pou avantaj yo
Pwochen seksyon:
4. Kijan pou ou aplike
Aplike sou entènèt
Aplikasyon pou Avantaj Regilye HEAP 2023-2024 yo fini 12 Avril 2024.
- Aplike anliy sou ACCESS HRA.
- Itilize aplikasyon mobil ACCESS HRA a ki disponib gratis sou iTunes Store (pou iPhones) oswa sou Google Play Store (pou telefòn Android) pou eskane dokiman ou yo.
- Apre ou fin soumèt demann ou an, yo kapab kontakte ou pou pase yon entèvyou elijiblite. Ou kapab pase entèvyou a nan telefòn san ou pa bezwen vini nan yon sant avantaj access.
- Ou kapab ale sou ACCESS HRA pou verifye nan ki nivo aplikasyon w lan ye.
Aplike pa lapòs
Aplikasyon pou Avantaj Regilye HEAP 2023-2024 yo fini 12 Avril 2024.
- Telechaje aplikasyon an epi ranpli li.
- Voye aplikasyon ou an pa lapòs nan:
New York City Home Energy Assistance Program
P.O. Box 1401, Church Street Station
New York, NY, 10008
Aplike pa telefòn
Aplikasyon pou Avantaj Regilye HEAP 2023-2024 yo fini 12 Avril 2024.
Pou aplike pou HEAP Regilye:
- Telechaje aplikasyon an epi ranpli li.
- Voye aplikasyon ou an nan faks bay 917-639-2900.
Avantaj Ijans:
- Peryòd pou moun fè demann yo ap fini nan dat 19 jiyè 2024 a 5 p.m.
- Pou w aplike, rele 718-557-1399. Dabò ou dwe aplike epi jwenn apwobasyon pou Avantaj Nòmal HEAP la.
Pou verifye nan ki nivo aplikasyon w lan ye, rele 718-557-1399.
Aplike fas a fas
Aplikasyon pou Avantaj Regilye HEAP 2023-2024 yo fini 12 Avril 2024.
- Jwenn yon biwo HEAP toupre lakay ou.
- Rasanble dokiman ou yo epi pote yo nan biwo a.
- Enprime aplikasyon an epi ranpli li anvan ou antre. Ou kapab ranpli li nan biwo a tou.
Avantaj Ijans:
- Peryòd pou moun fè demann yo ap fini nan dat 19 jiyè 2024 a 5 p.m.
- Pou aplike pou HEAP Emergency, ale nan biwo lokal HEAP nou an. Dabò ou dwe aplike epi jwenn apwobasyon pou Avantaj Nòmal HEAP la. Pou verifye nan ki nivo aplikasyon w lan ye, rele 718-557-1399.
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.