Sote kontni prensipal la

Aksè an swen sante gratis oswa pou yon ti kras kòb

NYC Care | NYC Health and Hospitals (H+H)

Kijan li mache

NYC Care se yon pwogram swen sante ki ba ou aksè a pwòp doktè ou ak sèvis pou yon ti kras kòb oswa gratis. Pwogram nan bay sèvis nan lokal NYC Health + Hospitals nan tout vil la. Li disponib pou tout rezidan New York ki pa kalifye pou oswa ki pa kapab peye asirans sante.

  • Ou pral jwenn swen sante abòdab kèlkeswa sitiyasyon imigrasyon w oswa kapasite w pou peye.
  • Peye selon u sa ou kapab peye. Rabè sou frè yo ki baze sou kantite moun nan fanmi ou ak revni nou epi ki kòmanse a $0. Pa gen okenn frè pou w manm, frè pou peye chak mwa, oswa prim.
  • Sèvis yo gen ladan yo:
    • chwazi pwòp doktè swen prensipal ou.
    • resevwa swen prevantif tankou vaksinasyon, tès depistaj woutin, tès tankou tès COVID-19, ak mamogram pou rete an sante.
    • aksè nan sipò sante mantal ak sèvis abi dwòg.
    • jwenn aksè nan medikaman sou preskripsyon pou yon ti kras kòb lajounen kou lannwit.
  • Ou ka jwenn premye randevou ou nan lespas de (2) semèn oswa mwens.
  • Nou garanti n ap pwoteje enfòmasyon prive ou. Enskripsyonnan NYC Care pa reprezante yon risk anba règ “chaj piblik la”.

Detèmine pou kisa ou kalifye

Pou w kalifye pou NYC Care, ou dwe:

  • Ap viv nan youn nan senk (5) minisipalite Vil New York yo.
  • Pa kalifye pou okenn plan asirans sante ki disponib nan Eta New York
  • Pa kapab peye asirans sante ki baze sou direktiv gouvènman an

Sa ou bezwen mete

Ou pral bezwen prèv:

  • Idantifikasyon
  • Rezidans nan Vil New York
  • Revni kay la
  • Kantite moun k ap viv nan kay la

Pasyan ki te deja fè tès depistaj pou asirans nan NYS of Health Marketplace ka pote yon rezilta detèminasyon enprime epi yo p ap bezwen lòt dokiman.

Si ou pa kapab bay dokiman yo mande yo, yon konseye ka toujou ede ou enskri. Rele nan 646-NYC-CARE (646-692-2273) pou plis enfòmasyon.


Kijan pou ou aplike

Aplike pa telefòn

Rele 646-NYC-CARE (646-692-2273 ) pou enskri oswa aprann plis.

Aplike fas a fas

Opsyon ou pou aplike yo se:

NYC Care ofri tou enskripsyon rapid pou pasyan ki deja nan pwogram NYC Health + Hospitals Options ki te fè tès depistaj pou asirans sante nan dènye sis (6) mwa yo.

Plis enfòmasyon

Vizite sitwèb NYC Care a pou plis enfòmasyon.

Imèl [email protected] Tanpri pèmèt 48 èdtan pou resevwa yon repons.

Rele 646-NYC-CARE (646-692-2273)


Retounen ladan pita.
Nou kapab voye yon lyen paj sa a pou ede ou retounen ladan lè ou pare.


Last Updated April 16, 2025

Rete enfòme osijè avantaj yo

Resevwa imèl detanzantan apwopo nouvèl sou avantaj yo, peryòd enskripsyon yo, ak dat limit yo. Gen tradiksyon disponib nan 11 lang.