1. Kijan li mache
Sivivan vyolans seksyèl, trafik moun, asèlman ak vyolans anba men patnè entim yo ak fanmi yo ka jwenn sèvis ki gratis ak konfidansyèl nan FJC Vil New York yo.
- Sèvis Sant Jistis Fanmilyal (Family Justice Center, FJC) yo gen pami yo:
- Konsèy pou granmoun ak timoun, ak sèvis sante mantal pou granmoun
- Planifikasyon sekirite, lojman, abri, ak lòt bezwen
- Èd jiridik pou òdonans pwoteksyon, gad timoun, vizit, divòs, imigrasyon, ak zafè lojman
- Ede depoze rapò lapolis
- Sèvis finansye, fòmasyon pwofesyonèl, ak referans pou pwogram edikatif
- Rele Liy Dirèk kont Vyolans Domestik ak Agresyon Seksyèl Vil New York la nan 800-621-4673 (HOPE), TTY: 866-604-5350 (si ou gen difikilte pou w tande), oswa rele 311 epi mande pou liy dirèk la.
- Rele 911 si w an danje epi w bezwen èd imedyatman.
- Ou pa bezwen pran yon randevou pou w vizite yon FJC.
- Sèvis yo gratis ak konfidansyèl, epi pifò disponib nan yon sèl anplasman.
- Estaf pèsonèl la pale plis pase 30 lang, epi gen entèprèt ki disponib nan chak FJC.
- Gen sèvis gadri ki disponib pou timoun ki gen twa (3) lane oswa plis pandan w ap resevwa sèvis sou plas.
Pwochen seksyon:
Plis fason pou jwenn èd ak pwogram sa a
Ale sou sit entènèt yo
Ale sou sit entènèt Biwo Majistra a pou Elimine Vyolans Domestik ak Vyolans ki baze sou Sèks (Mayor’s Office to End Domestic and Gender-Based Violence) pou plis enfòmasyon.
Konsilte Repètwa Resous HOPE NYC a pou w ka jwenn enfòmasyon ak resous pou sivivan vyolans domestik ak vyolans ki baze sou sèks yo.
Rele liy dirèk la
Rele Liy Dirèk kont Vyolans Domestik ak Agresyon Seksyèl Vil New York la nan 800-621-4673 (HOPE), TTY 866-604-5350 (si w gen difikilte pou w tande) pou w ka pale ak yon konseye.
2. Detèmine pou kisa ou kalifye
Sèvis yo gratis ak konfidansyèl. Y ap akeyi avèk de (2) bra louvri moun tout laj, tout nivo revni, tout oryantasyon seksyèl, tout idantite seksyèl, tout estati imigrasyon, oswa nenpòt ki lang moun yo pale a.
Pwochen seksyon:
3. Kijan pou ou aplike
Aplike pa telefòn
Rele yon FJC nan awondisman w lan:
- Bronx: 718-508-1220
- Brooklyn: 718-250-5113
- Manhattan: 212-602-2800
- Queens: 718-575-4545
- Staten Island: 718-697-4300
Pandan sware ak wikenn yo, rele Liy Dirèk kont Vyolans Domestik ak Agresyon Seksyèl Vil New York la nan 800-621-4673 (HOPE), TTY: 866-604-5350 (si ou gen difikilte pou w tande).
Aplike fas a fas
Rele pou w pran yon randevou oswa pase nan yon FJC ki tou pre ou an oswa nan sa kote w santi w pi an sekirite a.
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.