1. Kijan li mache
Moun ki gen revni ba ak moun ki gen revni modere yo kapab lwet yon lojman pou yon pri abòdab atravè Otorite Lojman Vil New York (New York City Housing Authority, NYCHA).
- Pri lwaye a baze sou revni fanmi ou. Pifò bilding gen elektrisite ak gaz nan pri lwaye a.
- Ou pa bezwen yon sitwayen ameriken pou w aplike. Sepandan, omwen yon (1) moun ki abite avèk ou dwe yon sitwayen ameriken oswa gen papye imigrasyon ki kòrèk.
- Gen apatman ki aksesib pou chèz woulant pou moun ki gen andikap. Gen kèk apatman yo te modifye epi ki disponib pou moun ki gen andikap pou deplase. Yo ka fè lòt aranjman rezonab tou.
- Gen chwa nan lojman abòdab disponib tou nan NYC Housing Connect (Koneksyon Lojman Vil New York) ak NYC Housing Development Corporation (Kòporasyon Devlopman Lojman Vil New York)
- NYCHA gen Senior and Community Centers (Sant pou Moun Aje ak Sant Kominotè) epi li ofri rezidan yo pwogram pou ede yo jwenn travay epi li bay fòmasyon sou fason pou jere lajan ak finans.
Pwochen seksyon:
Fanmi
LojmanPlis fason pou jwenn èd ak pwogram sa a
Vizite sitwèb la
Vizite sitwèb NYCHA a pou jwenn plis enfòmasyon.
Rele 311
Mande pou Public Housing (Lojman Piblik).
Rele NYCHA
Ou ka kontakte Rele Sant Kontak Kliyan (Customer Contact Center, CCC) NYCHA a nan 718-707-7771 si ou gen kesyon sou lojman piblik.
2. Detèmine pou kisa ou kalifye
Pou w ka kalifye pou lojman piblik, ou sipoze kapab reponn ‘wi pou kesyon sa yo:
- Èske omwen yon (1) moun lakay ou se yon sitwayen ameriken? Si pa genyen, èske omwen yon moun gen papye imigrasyon ki kòrèk (pa egzanp, rezidan pèmanan, refijye oswa azil)?
- Eske ou gen 18 tan oswa plis, oswa ou se yon minè emansipe?
- Si w ap aplike avèk yon moun (yon mari / madanm oswa moun ou plase ak li), èske li gen 18 tan oswa plis, oswa li se yon minè emansipe?
- Si w ap aplike pou lojman piblik pou moun aje, èske oumenm ak tout lòt moun ki pral viv avèk ou yo gen 62 zan oswa plis?
- Èske ou satisfè definisyon NYCHA pou fanmi, ki gen ladan:
- de (2) oswa plis moun se fanmi selon san, maryaj, patenarya domestik, adopsyon, gad legal, oswa gad tribinal te akòde?
- yon moun selibatè?
- Èske revni fanmi ou rive nan oswa li pi ba pase limit revni sa yo?
| Kantite moun nan fanmi an | Revni nan yon ane |
| 1 | $79,200 |
| 2 | $90,500 |
| 3 | $101,800 |
| 4 | $113,100 |
| 5 | $122,150 |
| 6 | $131,200 |
| 7 | $140,250 |
| 8 | $149,300 |
Pran yon ti sondaj pou wè si ou kapab kalifye pou pwogram sa a oswa 30 lòt pwogram.
Èske mwen kalifye?Pwochen seksyon:
3. Sa ou bezwen mete
Ou pa bezwen soumèt okenn dokiman pou aplike pou lojman piblik. Si ou jwenn yon entèvyou, ou pral bezwen pote dokiman orijinal sa yo avèk ou.
- Sètifika maryaj oswa patnè domestik (si w genyen)
- Batistè tout moun k ap viv avèk ou
- Kat Sekirite Sosyal tout moun k ap viv avèk ou
- Prèv sitiyasyon ou ak imigrasyon (si w genyen)
- Prèv kote ou rete kounye a, tankou yon bòdwo sèvis piblik resan
- Resi lwaye pou sis (6) mwa ki sot pase yo ak kontra lwaye (si ou genyen youn)
- Dènye bòdwo gaz ak kouran ou
- Prèv revni ou (si genyen): tankou yon lèt rekonpans, souch chèk, oswa lèt SNAP
- Dokiman ki montre byen ou genyen, tankou yon etadkont labank
Pwochen seksyon:
4. Kijan pou ou aplike
Men opsyon ou yo:
Aplike sou entènèt
Aplike pou lojman sosyal sou entènèt sou sitwèb NYCHA a.
Apre ou fin aplike, yo pral ba w yon nimewo dosye epi y ap mete ou sou lis datant la pou yon entèvyou pou wè si ou kalifye. Sèvi ak sit entènèt sèvis lib pou verifye eta dosye ou a nenpòt ki lè. Ou pral bezwen enskri epi konekte.
Aplike pa lapòs
Nou ankouraje kandida yo pou yo aplike anliy. Sepandan, genyen aplikasyon ki disponib pa lapòs. Rele Sant Kontak Kliyan (Customer Contact Center, CCC) NYCHA nan 718-707-7771 pou ou ka mande yon aplikasyon sou papye.
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.