Sote kontni prensipal la

Ranbousman taks si ou te peye pou swen timoun ak depandan

Kredi Enpo pou Responsablite Timoun ak Depandan: | NYC Depatman Pwoteksyon Konsomatè ak Travayè (NYC Department of Consumer and Worker Protection, DCWP), Sèvis revni entèn (Internal Revenue Service, IRS)

Ranpli anliy

Kijan li mache

Kredi Taks pou Swen Timoun ak Swen Depandan an ranbouse w jiska 50% nan depans pou pran swen yon timoun oswa granmoun depandan. Sou deklarasyon taks sou revni 2024 w lan, ou ka reklame jiska $3,000 pou depans ou fè pou gad pou yon moun ki kalifye ak $6,000 pou gad de (2) oswa plis moun ki kalifye.

  • Ranpli deklarasyon taks sou revni ane 2024 ou an anvan 15 avril 2025 pou w reklame kredi sa.
  • Ou kalifye si ou te peye pou yon moun pran swen pitit ou oswa depandan yo pandan w te travay oswa t ap chèche travay. Sa enkli depans pou yon sant gadri oswa yon bebisitè.

Detèmine pou kisa ou kalifye

Pou kalifye pou jwenn Kredi Enpo Resposanblite Timoun ak Depandan, ou ta dwe kapab reponn wi pou kesyon sa yo:

  1. Èske w te peye yon moun pou l pran swen moun ki sou responsablite w lan yon fason pou ou menm (ak konjwen ou, si nou ranpli yon deklarasyon ansanm) t a kapab travay oswa chèche travay? Depandan ki kalifye yo se:
    • yon timoun ki poko gen 13 zan nan moman swen an;
    • yon konjwen oswa yon adilt depandan ki pa ka pran swen tèt li fizikman oswa mantalman.
  2. Èske depandan an te viv avèk ou pou plis pase mwatye ane 2024?
  3. Èske ou (ak konjwen ou si nou ranpli taks ansanm) touche lajan? Sa yo ka soti nan pèman, salè, tep, lòt lajan yo ka pran taks sou anplwaye a, oswa revni sou travay endepandan yo.
  4. Si ou marye, èske ou menm ak konjwen ou ap travay deyò?
    • Si se pa sa, èske youn nan nou travay andeyò kay la pandan lòt la se yon etidyan aplentan, li gen yon andikap, oswa ap chèche travay?

Sa ou bezwen mete

Pou reklame kredi a, w ap bezwen sa ki annapre yo pou tout moun ki nan deklarasyon taks ou a:

  • Idantite ak laj: tankou foto idantite, pèmi kondui, IDNYC, paspò, oswa sètifika natiralizasyon.
  • Sitwayènte oswa estati imigrasyon tankou: batistè oswa paspò ameriken.
  • Revni ou te touche ou pa (si genyen): tankou souch chèk pewòl ou oswa deklarasyon alokasyon chomaj, lèt pansyon, Revni Sekirite Anplis (SSI), oswa Asirans Sekirite Sosyal pou Andikap (SSDI).
  • Kou swen pou depandan: Kantite lajan ou te peye pou swen pitit oswa depandan w lan.

Kijan pou ou aplike


Plis enfòmasyon

Aprann sou kredi taks ke ou ka reklame.

Rele 800-906-9887 pou konnen ki kote ki gen yon biwo Èd Volontè pou Taks sou Revni (Volunteer Income Tax Assistance, VITA) oswa Konsèy sou Taks pou Granmoun Aje (Tax Counseling for the Elderly, TCE) ki toupre ou.


Retounen ladan pita.
Nou kapab voye yon lyen paj sa a pou ede ou retounen ladan lè ou pare.


Last Updated February 5, 2025

Rete enfòme osijè avantaj yo

Resevwa imèl detanzantan apwopo nouvèl sou avantaj yo, peryòd enskripsyon yo, ak dat limit yo. Gen tradiksyon disponib nan 11 lang.