1. یہ کیسے کام کرتا ہے
بچوں اور زیرِ کفالت افراد کی نگہداشت کے ٹیکس کریڈٹ کی آپ کو اس صورت میں بازادائیگی ہوتی ہے کہ اگر آپ نے بچے کی نگہداشت یا کسی بالغ زیرِ کفالت فرد کی نگہداشت کے لیے ادائیگی کر رکھی ہو۔ ٹیکس سال 2022 کے لیے، فائلرز ایک اہل فرد کے لیے نگہداشتی خدمات کے اخراجات کا $3,000 تک جبکہ دو یا زائد اہل افراد کے لیے نگہداشتی خدمات کے اخراجات کے $6,000 کا دعویٰ کرنے کے اہل ہو سکتے ہیں۔ اس کے بعد آپ کو ان اخراجات کے 50% تک کی باز ادائیگی ہو سکتی ہے۔
- کریڈٹ کا دعویٰ کرنے کے لیے 18 اپریل 2023 تک وفاقی اور نیویارک اسٹیٹ 2022 ٹیکس ریٹرن فائل کریں۔
- اندراج کرنے پر، فارم 2441 کے ہمراہ اپنا امریکی انفرادی انکم ٹیکس ریٹرن فارم 1040 یا امریکی غیر رہائشی انکم ٹیکس ریٹرن فارم 1040NR شامل کریں۔
- اہل اخراجات میں آپ کے دورانِ ملازمت یا دورانِ تلاشِ ملازمت اہل بچے یا بچوں کی نگہداشت کے لیے اضافی طور پر ادا شدہ رقم شامل ہے۔
- اس میں گھر سے باہر نگہداشت، مثلاً کسی ڈے کیئر سینٹر یا آپ کے گھر کے اندر، مثلاً بےبی سِٹر کا خرچ شامل ہے۔
- ٹیکس ریٹرن فائل کرتے وقت جب آپ اس کریڈٹ کا دعوی کریں، تب آپ اپنے واجب الادا ٹیکسوں کو کم کر سکتے ہیں اور ممکنہ طور پر اپنے ریفنڈ میں اضافہ کر سکتے ہیں۔
اگلا سیکشن:
اس پروگرام کے حوالے سے مدد حاصل کرنے کے مزید طریقے
مزید معلومات
IRS کی جانب سے 2022 کے بچوں اور زیرِ کفالت افراد کی نگہداشت کے ٹیکس کریڈٹ سے متعلق FAQ ملاحظہ کریں۔
ان ٹیکس کریڈٹس سے متعلق مزید جانیں جن کا آپ دعویٰ کر سکتے ہیں۔
VITA یا TCE کا مقام تلاش کریں
قریب ترین رضاکارانہ انکم ٹیکس میں معاونت (Volunteer Income Tax Assistance، VITA) یا بزرگ افراد کے لیے ٹیکس سے متعلق مشاورت (Tax Counseling for the Elderly، TCE) حاصل کرنے کے لیے 800-906-9887 پر کال کریں۔
2. اپنی اہلیت کا تعین کریں
بچوں اور زیرِ کفالت افراد کی نگہداشت کے ٹیکس کریڈٹ کا اہل ہونے کے لیے، آپ کو ان سوالوں کا جواب ہاں میں دینے کے قابل ہونا چاہیئے:
- کیا آپ نے کسی شخص کو یا کسی تنظیم کو اس مقصد کے لیے اپنے زیرِ کفالت فرد کی نگہداشت کے لیے رقم کی ادائیگی کی ہے کہ آپ (اور آپ کے شریک حیات/آپ کی شریکۂ حیات، اگر مشترکہ ریٹرن فائل کر رہے ہیں تو) کام کر سکیں یا کام تلاش کر سکیں؟ اہل قرار پانے والے زیرِ کفالت افراد درج ذیل ہیں:
- نگہداشت کے وقت 13 سال سے کم عمر بچہ؛
- شریک حیات یا زیرِ کفالت فرد جو جسمانی یا ذہنی طور پر اپنی نگہداشت خود نہیں کر سکتا/سکتی۔
- کیا زیرِ کفالت فرد ٹیکس سال کے نصف سے زیادہ عرصہ سے آپ کے ساتھ رہ رہا ہے؟
- کیا آپ (اور آپ کے شریک حیات/آپ کی شریکۂ حیات، اگر آپ مشترکہ طور پر ٹیکسز فائل کر رہے ہیں تو آپ) نے کمائی کی ہے؟ یہ اجرتوں، تنخواہوں، ٹِپس، دیگر ٹیکس کے قابل ملازمین کی رقم، یا اپنے کام سے حاصل ہونے والی کمائیوں سے ہو سکتی ہیں۔
- کیا زیرِ کفالت بچے کے ساتھ آپ کی ٹیکس جمع کرانے کی حیثیت غیر شادی شدہ، مشترکہ طور پر جمع کرانے والے شادی شدہ، گھرانے کے سربراہ یا اہل بیوہ (رنڈوے) کی ہے؟
- اگر آپ شادی شدہ ہیں، تو کیا آپ اور آپ کا شریک حیات / آپ کی شریکۂ حیات دونوں گھر سے باہر کام کرتے ہیں؟
- یا، آپ میں سے کوئی ایک گھر سے باہر کام کرتا/کرتی ہے جبکہ دوسرا/دوسری فرد کل وقتی طالب علم ہے، اسے معذوری لاحق ہے، یا کام تلاش کر رہا/رہی ہے؟
یہ دیکھنے کے لیے کہ کیا آپ اس اور دیگر 30 پروگرامز کے لیے اہل ہیں، ایک مختصر سروے میں حصہ لیں۔
کیا میں اہل ہوں؟اگلا سیکشن:
3. آپ کو کیا شامل کرنے کی ضرورت ہے
یہ صفحہ اپنی درخواست کے لیے درست دستاویزات کا انتخاب کرنے میں آپ کی مدد کر سکتا ہے۔
اگر آپ براہ راست ڈپازٹ کے ذریعے اپنا ریفنڈ موصول کرنا چاہتے ہیں، تو آپ کو بینکنگ کی معلومات (مثلاً درمیان سے کٹا ہوا چیک اور/یا بچتوں کی ڈپازٹ سلپ) کی ضرورت ہو گی۔
اگر آپ کے پاس گزشتہ سال کا ریٹرن موجود ہو تو اس کی ایک نقل اپنے ہمراہ لائیں۔
اگلا سیکشن:
4. درخواست کیسے دیں
آپ کی آپشنز یہاں ہیں۔
آن لائن درخواست دیں
اگر آپ کا خاندان $80,000 یا اس سے کم کماتا ہے یا اگر آپ 2022 میں $56,000 یا اس سے کم رقم کمانے والے واحد فائلر ہیں، تو اپنے ٹیکسز آن لائن NYC مفت ٹیکس کی تیاری میں مفت فائل کروائیں۔ IRS کے مستند VITA/TCE رضاکار تیار کنندگان آپ کو آن لائن، بالمشافہ طور پر فائل کرنے میں مدد دے سکتے ہیں، یا اس وقت جب آپ اپنی دستاویزات فراہم کریں۔
بذریعہ ڈاک درخواست دیں
اپنا ٹیکس ریٹرن فائل کرتے وقت آپ کو ان فارمز کی ضرورت ہو گی:
- بچوں اور زیرِ کفالت افراد کے نگہداشتی اخراجات کا فارم: فارم 2441۔
- امریکی انفرادی انکم ٹیکس ریٹرن: فارم 1040 یا امریکی غیر رہائشی انکم ٹیکس ریٹرن: فارم 1040NR۔
خود جا کر درخواست دیں
اگر آپ کا خاندان $80,000 یا اس سے کم کماتا ہے یا اگر آپ 2022 میں $56,000 یا اس سے کم رقم کمانے والے واحد فائلر ہیں، تو اپنے ٹیکسز آن لائن NYC مفت ٹیکس کی تیاری میں مفت فائل کروائیں۔ IRS کے مستند VITA/TCE رضاکار تیار کنندگان آپ کو بالمشافہ طور پر فائل کرنے میں مدد دے سکتے ہیں، یا اس وقت جب آپ اپنی دستاویزات فراہم کریں۔
اس پر بعد میں واپس آئیں۔
ہم آپ کو اس صفحے کا ایک لنک بھی بھیج سکتے ہیں، تاکہ آپ کی اس وقت واپس آنے میں مدد کی جا سکے، جب آپ تیار ہوں۔
اپنا ای میل یا فون نمبر فراہم کر کے، آپ اپنے ACCESS NYC عوامی بینیفٹس کی اسکریننگ کے نتائج کے حوالے سے سٹی آف نیو یارک کی جانب سے رابطہ کئے جانے پر اتفاق کرتے/کرتی ہیں۔ ACCESS NYC میں آپ کی سرگرمی گمنام ہوتی ہے مگر اپنا فون نمبر فراہم کرنے سے آپ کی شناخت ہو سکتی ہے اور اس بات کا پتہ چل سکتا ہے کہ آپ نے ویب سائیٹ استعمال کی ہے۔ اس بارے میں مزید جاننے کے لیے کہ سٹی آپ کی جانب سے ACCESS NYC کے ساتھ اشتراک کئے گئے ڈیٹا کو کیسے استعمال کر سکتا ہے،Terms of Use for NYC.gov او Privacy Policy for NYC.gov.