Pou resevwa benefis chomaj, ou dwe pare, dispoze, epi kapab travay, epi ou dwe ap chèche travay aktivman. W ap bezwen kenbe yon dosye alekri sou aktivite rechèch travay ou yo.
Ou pa byen konnen si ou kalifye? Depoze yon demann benefis kanmenm. Eta Nouyòk la ap revize aplikasyon ou a epi detèmine si ou kalifye.
- Si ou te travay nan Eta New York pandan 18 mwa ki sot pase yo, men kounye a ou san travay, ou ka depoze yon demann pou Asirans Chomaj (UI).
- Yon fwa demann ou a apwouve, ou ka resevwa jiska 26 semèn benefis pandan ou san travay.
- Yo kapab pran taks sou revni ou fè gras ak alokasyon pou chomaj nan deklarasyon revni federal ak Eta ou fè a.
- W ap bezwen yon Nimewo Sekirite Sosyal ki valab ansanm ak yon kat idantite gouvènman an oswa yon kat otorizasyon travay (pèmi travay).
Apre ou depoze aplikasyon ou
An mwayèn, pwosesis demann ou a pran ant 3 ak 6 semèn. Eta Nouyòk sèvi ak tan sa a pou revize enfòmasyon ou yo epi verifye si ou kalifye. Ou p ap resevwa peman pandan peryòd sa a, se poutèt sa ou ka wè estati demann ou kòm “annatant”.
Premye peman ou ap rive nan 2 a 3 semèn apre demann ou fin trete. Nan kèk ka, Eta Nouyòk bezwen plis enfòmasyon anvan yo ka fè peman an, e premye peman ou ka pran plis tan.
Pran prekosyon ak fwod
Nenpòt moun ki rele nan Depatman Travay Eta New York la ap verifye idantite yo lè yo bay de enfòmasyon sa yo:
- Dat ou te depoze aplikasyon ou a
- Kalite demann ou te depoze a
Si moun k ap rele a pa ka bay enfòmasyon sa yo, pa pataje okenn detay pèsonèl.