Pou dènye enfòmasyon sou asistans pandan pandemi an, ale nan Coronavirus nou an (COVID-19) Paj Updates.
Retounen sou paj sa a : https://access.nyc.gov/ht/programs/lifeline/
Kach ak Depans
Rabè sou sèvis telefòn oswa entènèt ou
Lifeline | Komisyon Federal pou Kominikasyon (Federal Communications Commission, FCC)
1. Kijan li mache
Lifeline se yon pwogram federal ki bay yon rabè jiska $9.25 sou sèvis telefòn oswa entènèt. Ou kapab itilize lifeline swa pou telefòn oswa pou entènèt men pa pou toulède.
- Pou jwenn rabè Lifeline la, ou kapab swa:
- Verifye si aktyèl konpayi telefòn oswa entènèt ou a ofri rabè Lifeline la, oswa
- Enskri nan sèvis avèk yon konpayi telefòn oswa entènèt ki ofri rabè Lifeline la.
- Y ap verifye otomatikman elijibilite ou pou Lifeline chak ane.
- Sèlman yon rabè lifeline disponib pa fanmi.
Pwochen seksyon:
Fanmi
Elèv Fanm Ansent Ak Nouvo Paran Fanmi Granmoun Aje Imigran Kach ak Depans Moun andikape Rezidan NYCHA yo Tout moun Veteran yoPlis fason pou jwenn èd ak pwogram sa a
Vizite sitwèb Lifeline la
Voye yon imèl pou Lifeline
Voye yon imèl nan LifelineSupport@usac.org pou kesyon konsènan aplikasyon ou a oswa pou yo voye yon aplikasyon pa lapòs pou ou.
Rele Lifeline
Rele (800) 234-9473 pou kesyon konsènan aplikasyon ou a oswa pou yo voye yon aplikasyon pa lapòs pou ou.
2. Detèmine pou kisa ou kalifye
Ou elijib pou Lifeline si ou kapab reponn wi pou nenpòt nan kesyon anba yo.
- Èske yon moun nan kay ou patisipe nan youn nan pwogram sa yo?
- Pwogram Asistans Nitrisyon Siplemantè (Supplemental Nutrition Assistance Program, SNAP)
- Revni Sekirite Siplemantè (Supplemental Security Income, SSI)
- Medicaid
- Èd Federal pou Lojman Piblik (Federal Public Housing Assistance, FPHA)
- Pansyon pou Veteran ak Avantaj pou Sivivan
- Èske revni ou egal ak egzijans revni yo oswa li mwens pase egzijans revni yo?
| Kantite moun nan fanmi an | Revni nan yon ane |
| 1 | $18,347 |
| 2 | $24,719 |
| 3 | $31,091 |
| 4 | $37,463 |
| 5 | $43,835 |
| 6 | $50,207 |
| 7 | $56,579 |
| 8 | $62,951 |
| Pou chak moun an plis, ajoute: | $6,372 |
Pran yon ti sondaj pou wè si ou kapab kalifye pou pwogram sa a oswa 30 lòt pwogram.
Èske mwen kalifye?Pwochen seksyon:
3. Sa ou bezwen mete
Ou ap bezwen yon nimewo sekirite sosyal pou aplike.
Ou ap bezwen tou prèv revni oswa prèv patisipasyon ou nan pwogram la.
Prèv patisipasyon ou nan pwogram la
Pwouve oumenm oswa yon moun ki nan fanmi ou patisipe nan:
- Pwogram Èd Nitrisyon Siplemantè (Supplemental Nutrition Assistance Program, SNAP)
- Medicaid
- Revni Sekirite Siplemantè (Supplemental Security Income, SSI)
- Èd federal pou lojman piblik (Federal Public Housing Assistance, FPHA)
- Avantaj pansyon pou veteran ak sivivan
Soumèt yon (1) dokiman ki gen ladan l:
- Non ou, non pitit ou, oswa non yon moun ki depann de ou ki ap patisipe nan yon pwogram ki kalifye
- Non pwogram Lifeline ki kalifye a, tankou SNAP;
- Administratè pwogram gouvènman oswa tribal oswa òganizasyon ki nan jesyon swen (managed care organization, MCO) ki te bay dokiman an; epi
- Dat yo te ba ou l nan 12 dènye mwa yo oswa yon dat ekspirasyon ki ap rive ki aliyen avèk peryòd avantaj la.
Prèv revni pou fanmi a
Bay youn (1) oswa plis nan dokiman sa yo*:
- Deklarasyon revni pou ane anvan an pou eta, federal, oswa tribal
- Aktyèl deklarasyon revni ki sòti nan men yon anplwayè oswa souch chèk
- Deklarasyon pou avantaj sekirite sosyal
- Deklarasyon avantaj pou administrasyon veteran yo
- Deklarasyon pou avantaj nan retrèt oswa pansyon
- Deklarasyon pou Konpansasyon Travayè oswa aksidan nan travay
- Lèt avi Federal oswa Tribal pou patisipasyon ou nan asistans jeneral
- Jijman Divòs, pansyon alimantè pou timoun, oswa yon lòt dokiman ofisyèl ki gen enfòmasyon sou revni ou
*Si ou vle montre yon dokiman pou yon revni ki pa kouvri yon ane konplè, tankou yon sou chèk aktyèl, ou dwe montre dokiman ki kouvri twa (3) mwa youn dèyè lòt pou douz (12) dènye mwa yo.
Pwochen seksyon:
4. Kijan pou ou aplike
Men opsyon ou yo:
Aplike sou entènèt
- Ranpli aplikasyon sou entènèt la sou Verifikatè Nasyonal la (National Verifier).
- Depi yo fin apwouve w pou pwogram Lifeline, enskri nan pwogram Lifeline nan yon konpayi telefòn oswa entènèt ki ap patisipe. Vizite yon konpayi nan magazen, oswa kontakte youn (1) sou entènèt oswa nan telefòn.
Aplike pa lapòs
- Enprime yon aplikasyon an Anglè oswa Panyòl. Ranpli aplikasyon an epi rasanble dokiman ki pwouve elijibilite ou.
- Voye aplikasyon ak prèv elijibilte ou a pa lapòs nan:
Lifeline Support Center
P.O. Box 7081
London, KY 40742 - Depi ou kalifye pou Lifeline, enskri nan pwogram Lifeline la atravè yon konpayi telefòn oswa entènèt ki ap patisipe. Vizite yon konpayi nan magazen, oswa kontakte youn (1) sou entènèt oswa nan telefòn.
Aplike pa telefòn
Mande konpayi telefòn oswa entènèt ou a si yo ofri Lifeline oswa kontakte yon konpayi ki ofri Lifeline bò kote ou.
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.
Plis fason pou jwenn èd ak pwogram sa a
Vizite sitwèb Lifeline la
Voye yon imèl pou Lifeline
Voye yon imèl nan LifelineSupport@usac.org pou kesyon konsènan aplikasyon ou a oswa pou yo voye yon aplikasyon pa lapòs pou ou.
Rele Lifeline
Rele (800) 234-9473 pou kesyon konsènan aplikasyon ou a oswa pou yo voye yon aplikasyon pa lapòs pou ou.
Thank you for your feedback.
Something went wrong. Please try again later.