Akoz sitiyasyon an k ap chanje vit, enfòmasyon ki nan ACCESS NYC yo ka pa reflete dènye mizajou yo. Gade paj Mizajou nou an sou Kowonaviris (COVID-19).
Retounen sou paj sa a : https://access.nyc.gov/ht/programs/cooling-assistance-benefit/
Kach ak Depans
Avantaj sa a ede achte ak enstale yon èkondisyone oswa vantilatè pou lakay ou pou ka rete fre pandan chalè a.
Avantaj Asistans pou Rete Fre | NYC Jesyon Resous Imèn
1. Kijan li mache
Avantaj Asistans pou Rete Fre an ede kay ki kalifye yo achte ak enstale yon èkondisyone oswa vantilatè ki koute jiska $800.
- Avantaj Asistans ak pou Rete Fre an ap kòmanse 1ye me. Dat limit pou soumèt aplikasyon yo se 30 out 2020.
- N ap bay èkondisyone yo bay aplikan ki kalifye ki vini avan yo.
- Aplikan yo kalifye pou yon avantaj Asistans pou Rete Fre sèlman yon (1) fwa chak senk (5) lane.
- Si li kalifye, yon kay ka jwenn yon èkondisyone oswa yon vantilatè sèlman, epi pri a pa ka depase $800 ak frè enstalasyon ladan.
- Avantaj la pa aplike pou yon bòdwo elektrik epi yo p ap bay li kòm yon avantaj lajan kach.
Pwochen seksyon:
Plis fason pou jwenn èd ak pwogram sa a
Vizite sitwèb la
Vizite sitwèb OTDA Eta New York pou jwenn plis enfòmasyon sou avantaj Asistans pou Rete Fre.
Rele 311
Mande èd nan Asistans pou Rete Fre a.
Rele HEAP
Rele Liy Konferans HEAP la nan 212-331-3126 si ou gen kesyon sou avantaj pou Rete Fre a oswa si ou bezwen èd nan men yon operatè.
Vizite Sant Refwadisman nan tout vil la
Vil New York louvri sant refwadisman nan enstalasyon piblik ki gen èkondisyone pou moun ki gen malèz fizik nan yon vag chalè.
2. Detèmine pou kisa ou kalifye
Ou ka kalifye pou yon avantaj Asistans pou Rete Fre si:
- Ou gen yon pwoblèm sante ki vin pi mal ak chalè, epi ou ka verifye li ak yon sètifika medikal yon pwofesyonèl medikal ba ou.
- Ou menm ak moun ou abite ak yo a se sitwayen ameriken oswa yo gen papye imigrasyon.
- Ou pa gen yon èkondisyone ki mache ki poko gen senk (5) ane.
- Ou pa rete nan lojman sibvansyone, tankou NYCHA ak Seksyon 8, kote depans pou chofaj yo fè pati bòdwo lwaye a
- Ou satisfè youn (1) nan kondisyon revni sa yo:
- Ou resevwa avantaj SNAP, Asistans Tanporè, oswa Revni Sekirite Siplemantè Kòd A.
- Fanmi ou nan oswa anba gid revni sa yo:
| Kantite moun nan fanmi an | Revni nan yon ane | Revni nan yon mwa | Revni nan yon semèn |
| 1 | $29,928 | $2,494 | $576 |
| 2 | $39,144 | $3,262 | $753 |
| 3 | $48,360 | $4,030 | $930 |
| 4 | $57,564 | $4,797 | $1,107 |
| 5 | $66,780 | $5,565 | $1,284 |
| 6 | $75,984 | $6,332 | $1,461 |
| 7 | $77,712 | $6,476 | $1,494 |
| 8 | $79,440 | $6,620 | $1,528 |
| Pou chak moun an plis, ajoute: | $6,636 | $553 | $128 |
Pwochen seksyon:
3. Sa ou bezwen mete
Li enpòtan pou ou mete bon dokiman yo lè w ap aplike. Dokiman yo montre si pwogram yo apwopriye pou ou ou pa.
Paj sa a kapab ede ou chwazi dokiman ki apwopriye pou aplikasyon ou a.
Prèv kiyès ou ye
Pou chak moun kap aplike, nenpòt nan dokiman sa yo:
- Lisans chofè oswa idantifikasyon ofisyèl ak foto
- Batistè
- Paspò
- Kat Sekirite Sosyal pou Depandan
- Kat Sekirite Sosyal oswa ITIN
- Sètifika natiralizasyon
- Dosye Adopsyon
- Sètifika batèm/oswa lòt sètifika relijye
- Dosye maryaj
- Kat Medicaid
- Dosye nesans ofisyèl
- Dosye Ofisyèl Lekòl
- Lòt dosye ofisyèl ki montre dat nesans
Prèv kote w rete
Pou tout moun ki nan kay la, nenpòt nan dokiman sa yo:
- Fotokopi papye tè ki pi resan an
- Lèt/kontra fèm/resi lwaye ki resan e ki gen adrès lakay ou sou li e ke pwopriyetè kay la ba w
- Dokimantasyon Otorite Lojman nan Vil Nouyòk (New York City Housing Authority: NYCHA) fè
- Dokimantasyon ki soti nan Jesyon Resous Imèn nan Vil Nouyòk (New York City Human Resources Administration: HRA)
- Lisans chofè yo emèt pandan 6 dènye mwa ki sot pase yo
- Polis asirans pou pwopriyetè kay
- Kat Idantifikasyon ki gen adrès sou li
- Kontra lwaye oumenm ak mèt kay ou te siyen
- Dosye taks sou pwopriyete oswa etadkont ipotekè
- Deklarasyon yon patwon oswa ajans sèvis sosyal fè
- Deklarasyon ke pwopriyetè kay la, ki pa yon fanmi, fè
- Bòdwo Sèvis Piblik (gaz, kouran, dlo)
Prèv revni ou
Pou chak sous revni pou chak moun ki touche revni, nenpòt nan dokiman sa yo:
Lajan w touche ak Salè
- Lèt patwon w lan ekri sou papye a antèt konpayi an, ki siyen e ki gen dat la sou li
- Souch chèk (nan kat (4) dènye semèn ou te travay youn apre lòt yo)
- Dosye biznis
Travay Endepandan
- Etadkont pou pansyon/vèsman anyèl
Asistans Lajan Kash
- Lèt Bidjè pou Asistans Lajan Kash
Revni ki sot nan Lwaye oswa Lokasyon/Pansyon
- Souch chèk
- Gran-Liv/Liv Resi Lwaye
- Lèt moun k ap lwe chanm lan, pansyonè a, lokatè a ekri
Peman bay Militè
- Lèt benefis ki resan
- Souch chèk ki resan
Sipò pou Timoun/Pansyon Alimantè
- Souch chèk pou pansyon alimantè
- Souch chèk pou sipò pou timoun
- Lèt tribinal la ekri
- Lèt moun k ap bay sipò a ekri
Benefis Chomaj
- Lèt/sètifika benefis
- Korespondans Depatman Travay nan Leta Nouyòk (NYS Dept. of Labor) voye
- Etadkont labank ki montre depo dirèk yo
- Kopi kat debi peman dirèk
- Etadkont Benefis
Avantaj Sekirite Sosyal (SSI, Depandan, Andikap, Sivivan, Retrèt)
- Lèt/sètifika benefis ki resan
- Chèk benefis ki resan
Dedomajman pou Travayè
- Lèt benefis ki resan
- Souch chèk ki resan
Benefis pou Veteran
- Lèt benefis ki resan
- Souch chèk benefis ki resan
Pansyon/ Vèsman Anyèl/ Kont Pèsonèl pou Retrèt (IRA)
- Etadkont pansyon oswa annwite
Enterè/Dividann/Redevans
- 1099-DIV
- 1099-INT
- Etadkont labank, kredi inyon oswa yon enstitisyon finansyè
Sipò nan men lòt Manm nan Fanmi
- Fotokopi chèk yon moun nan fanmi w ekri e ki touche
- Deklarasyon oswa lèt yon moun nan fanmi w ekri epi siyen
Sibvansyon/Prè pou Edikasyon
- Lèt benefis ki resan
- Souch chèk ki resan
Prèv depans
Pou chak depans, nenpòt nan dokiman sa yo
Depans pou Swen Timoun/Depandan
- Lòd tribinal
Pou Depans Nan Mezon Abri
- Resi lwaye ki resan
- Kontra fèm ki resan
- Dosye ipotèk
- Dosye taks sou pwopriyete
- Bòdwo pou antretyen dlo sal ak bòdwo pou dlo
- Bòdwo pou gaz
- Bòdwo pou sèvis piblik
Prèv Kondisyon Sitwayènte oswa Imigrasyon
Pou chak moun kap aplike, nenpòt nan dokiman sa yo:
- Batistè meriken
- Paspò ameriken
- Sètifika batèm ameriken
- Dosye Lopital oswa doktè
- Kat Rezidans (devan ak dèyè)
- Sètifika natiralizasyon
- Kat Otorizasyon Travay : I-688B oswa I-766
- Lèt USCIS I-210
- Fòmilè USCIS I-181
- Fòmilè USCIS I-220B
- Kat Dosye Arive-Depa Fòm Imigrasyon I-94
- Lòt dokiman imigrasyon, oswa korespondans ou voye bay imigrasyon oswa te resevwa nan men yo, ki montre w ap viv Ozetazini epi imigrasyon okouran epi yo ba ou pèmisyon.
Prèv resous ou
Pou chak resous pou chak moun ki gen resous la, nenpòt nan dokiman sa yo:
- Liv labank
- Etadkont labank
- Akò pou antèman
- Fotokopi aksyon, bon, tit plasman
- Dosye kredi inyon
- Tit pwopwiyete oswa Evalyasyon imobilye
- Modèl chèk
Prèv andikap ou
Pou chak moun ki gen yon andikap, nenpòt nan youn nan dokiman sa yo:
- Deklarasyon yon pwofesyonèl medikal fè
- Prèv sou Revni Sekirite Sosyal pou Moun ki Enfim (Social Security Disability) oswa Revni Sekirite Siplemantè (Supplemental Security Income: SSI)
Prèv prezans nan lekòl
Pou chak etidyan, nenpòt nan dokiman sa yo:
- Dosye lekòl
- Deklarasyon lekòl la fè
Prèv ou gen asirans sante
Pou chak kalite asirans pou chak moun ki gen asirans sante, nenpòt nan dokiman sa yo:
- Kat Medicare
Prèv enfòmasyon paran ou ki pa gen lagad
Pou chak depandan, nenpòt nan dokiman sa yo
- Sètifika desè (lanmò)
- Benefis sivivan
- Papye divòs
- Dosye sou Asistans Veteran oswa dosye militè
Pwochen seksyon:
4. Kijan pou ou aplike
Men opsyon ou yo:
Aplike pa lapòs
Voye aplikasyon pou avantaj Asistans pou Rete Fre ou an bay:
New York City Home Energy Assistance Program
P.O. Box 1401, Church Street Station
New York, NY, 10008
Si ou te resevwa yon avantaj HEAP regilye pou $21 oswa plis pandan sezon 2019-2020 la:
Si ou pa t aplike pou avantaj HEAP pandan sezon 2019-20 la oswa ou pa te janm aplike anvan:
- Ranpli aplikasyon regilye (aplikasyon aktyèl HEAP la)
- Swiv pwosedi regilye HEAP ak anèks “”ENSTRIKSYON APLIKASYON”” an pou pwouve enfòmasyon ou deklare sou aplikasyon ou ak fòm aplikasyon regilye HEAP la.
W ap bezwen yon sètifika medikal nan men yon pwofesyonèl medikal pou toude aplikasyon yo ak nenpòt twa (3) non ou chwazi nan vandè Vantilasyon ak Èkondisyon Chofaj (Heating Ventilation and Air Conditioning, HVAC).
Aplike fas a fas
1. Ekri an lèt detache epi ranpli:
- Si ou te resevwa yon avantaj HEAP regilye pou $21 oswa plis pandan sezon 2019-2020 la, itilize aplikasyon kout la.
- Si ou pa t aplike pou avantaj HEAP pandan sezon aktyèl la men w ap resevwa Asistans Tanporè (Temporary Assistance, TA) oswa avantaj SNAP, itilize aplikasyon regilye a (aplikasyon HEAP aktyèl la).
- Swiv pwosedi regilye HEAP nan anèks “”ENSTRIKSYON APLIKASYON”” an pou pwouve enfòmasyon ou deklare sou aplikasyon ou a
2. Sanble dokiman pèsonèl ou yo, tankou:
- Yon lèt nan men yon pwofesyonèl medikal
- Nenpòt twa (3) non ou chwazi nan vandè Vantilasyon ak Èkondisyon Chofaj (Heating Ventilation and Air Conditioning, HVAC).
3. Ale nan youn nan biwo HRA sa yo k ap sèvi kòm bwat drop-off (lapòs) pou soumèt aplikasyon ou pou benefis Asistans Refwadisman:
- Manhattan : Waverly Job Center ,
- The Bronx: Rider Job Center , Crotona Job Center ,
- Queens: Queens Job Center, Coney Island Job Center,
- Brooklyn: Clinton Hill Job Center
- Staten Island: Richmond Job Center
Retounen ladan pita.
Nou kapab voye yon lyen paj sa a pou ede ou retounen ladan lè ou pare.
Depi ou bay adrès imèl ou ak nimewo telefòn ou, sa vle di ou dakò pou minisipalite Vil New York la kontakte ou konsènan rezilta evalyasyon pou asistans piblik ACCESS NYC a. Aktivite ou nan ACCESS NYC ap rete anonim, men si ou bay nimewo ou sa kapab idantifye ou ak devwale ou te itilize sitwèb la. Pou jwenn plis enfòmasyon sou kijan Minisipalite a kapab itilize enfòmasyon ou pataje ak ACCESS NYC, vizite Terms of Use for NYC.gov ak Privacy Policy for NYC.gov.
Plis fason pou jwenn èd ak pwogram sa a
Vizite sitwèb la
Vizite sitwèb OTDA Eta New York pou jwenn plis enfòmasyon sou avantaj Asistans pou Rete Fre.
Rele 311
Mande èd nan Asistans pou Rete Fre a.
Rele HEAP
Rele Liy Konferans HEAP la nan 212-331-3126 si ou gen kesyon sou avantaj pou Rete Fre a oswa si ou bezwen èd nan men yon operatè.
Vizite Sant Refwadisman nan tout vil la
Vil New York louvri sant refwadisman nan enstalasyon piblik ki gen èkondisyone pou moun ki gen malèz fizik nan yon vag chalè.