Sote kontni prensipal la

Lajan pou achte manje

Pwogram Asistans Nitrisyonèl Siplemantè (Supplemental Nutrition Assistance Program) (SNAP) | NYC Jesyon Resous Imèn (NYC Human Resources Administration, HRA)

Aplike anliy

Kijan li mache

Jwenn èd pou achte pwovizyon ak SNAP, sa n te konn rele food stamp avan. W ap jwenn lajan an sou yon kat debi ke w kapab itilize nan plizyè makèt oubyen mache.

  • Ou ka aplike pou Lajan Kach, SNAP ak Medicaid tout nan menm moman an ak menm fòmilè aplikasyon èd Kach la sou ACCESS HRA.
  • Si ou elijib, w ap resevwa avantaj ou yo nan 30 jou.
  • Selon sitiyasyon w, ou kapab kalifye pou SNAP menmsi w pa yon sitwayen ameriken.
  • Ou kapab otorize yon moun ki konnen sitiyasyon moun nan kay ou aplike pou ou.

Detèmine pou kisa ou kalifye

Pwogram sa a egzamine plizyè bagay pou li deside si ou elijib. Ki gen ladan yo:

  • kantite kòb ou fè
  • kantite kòb ou resevwa gras ak avantaj
  • kantite moun ki ap viv lakay ou;

Sa ou bezwen mete

Gade dokiman gid SNAP la pou wè dokiman w ap bezwen yo


Kijan pou ou aplike

Aplike sou entènèt

  1. Aplike anliy lè w itilize ACCESS HRA. Ou ka aplike pou èd lajan Kach, Snap, ak Medicaid tout nan menm moman.
  2. Apre ou fin soumèt aplikasyon w lan, yo ap kontakte ou pou w fè yon entèvyou pou wè si w elijib. Ou kapab fè entèvyou w la nan telefòn san ou pa bezwen vini nan yon sant SNAP.
  3. Ou kapab ale sou ACCESS HRA pou verifye estati aplikasyon w lan ye.
  4. Ou ap bezwen resètifye pou SNAP chak ane. Biwo SNAP la ap voye yon dosye re-sètifikasyon pa lapòs ba ou pou w ranpli epi voye tounen pa lapòs bay HRA. Ou kapab tou re-setifye anliy nan ACCESS HRA. Yonfwa ou voye demand renouvèlman an ale, rele 718-SNAP-Kounya (718-762-7669) pou yon entèvyou.

Aplike anliy

Aplike pa lapòs

  1. Enprime yon aplikasyon papye, pase pran youn nan yon Bwo SNAP oswa rele Liy enfòmasyon HRA nan 718-557-1399 pou mande yo voye aplikasyon papye a nan adrès postal lakay ou.
  2. Voye aplikasyon an ak kopi dokiman ou yo nan mèl bay:
    Division of SNAP Services, Mail Application & Referral Unit (MARU)
    P.O.Box 24510
    Brooklyn, NY, 11201

Telechaje fòm lan

Aplike fas a fas

  1. Enprime yon aplikasyon papye, pase pran youn nan yon Bwo SNAP oswa rele Liy enfòmasyon HRA nan 718-557-1399 pou mande yo voye aplikasyon papye a nan adrès postal lakay ou.
  2. Rasanble dokiman ou ap bezwen yo pou w mete avèk aplikasyon w lan.
  3. Depoze aplikasyon w lan apre ou fin ranpli li nan yon Biwo SNAP toupre ou. Ou kapab fè kopi dokiman ou yo nan sant lan.
  4. Ou kapab aplike pou SNAP tou nan yon òganizasyon kominotè (CBO) nan zòn ou an. Ekspè yo kapab ede w soumèt aplikasyon ou an ak dokiman ki nesesè yo.

Jwenn yon biwo


Plis enfòmasyon

Ale sou sit entènèt la

Vizite sit entènèt SNAP la pou aprann plis bagay sou pwogram sa a.

Rele 311

Mande pou SNAP

Rele HRA

Rele Liy Enfòmasyon HRA a nan 718-557-1399 pou jwenn plis enfòmasyon

Vizite yon Biwo SNAP oswa yon Òganizasyon Kominotè

Vizite yon biwo SNAP oswa Òganizasyon Kominotè (CBO) nan zòn ou pou jwenn èd fas a fas.


Retounen ladan pita.
Nou kapab voye yon lyen paj sa a pou ede ou retounen ladan lè ou pare.


Last Updated September 20, 2024

Rete enfòme osijè avantaj yo

Resevwa imèl detanzantan apwopo nouvèl sou avantaj yo, peryòd enskripsyon yo, ak dat limit yo. Gen tradiksyon disponib nan 11 lang.