مرکزی متن پر جائیں
خاندانی سروسز

پہلی بار والدین بننے والوں کے لیے سپورٹ

NYC نرس فیملی پارٹنرشپ (Nurse-Family Partnership) (NYC NFP) | NYC شعبہ برائے صحت و دماغی حفظان صحت (NYC Department of Health & Mental Hygiene, DOHMH)

1. یہ کیسے کام کرتا ہے

پہلی بار والدین بننے والے بغیر کسی قیمت کے اپنی ذاتی نرس حاصل کر سکتے ہیں۔ آپ کی نرس آپ کے سوالات کا جواب دے سکتی ہے اور صحت مند حمل اور صحت مند بچے کے لیے قیمتی رہنمائی اور مدد فراہم کر سکتی ہے۔

  • NYC NFP کے ساتھ، آپ حمل، پرورش اور اپنے بچے کی صحت اور نشوونما یا پھر پہلی بار ماں بننے کے طور پر آپ کے ذہن میں جو کچھ بھی ہو اس پر بات چیت کرنے کے لیے اپنی نرس کے ساتھ باقاعدگی سے ملیں گی۔
  • آپ کی نرس درج ذیل کے تعلق سے آپ کی مدد کرے گی:
    • حمل اور بچہ کی پیدائش کے دوران کن چیزوں کی توقع کرنی چاہیئے یہ جاننے میں
    • اپنے بچے کا خیال رکھنے کا طریقہ جاننے میں (دودھ پلانا، نہلانا، محفوظ طریقے سے سلانا وغیرہ)
    • یہ سمجھنے میں کہ بچے کیسے سیکھتے اور نشوونما پاتے ہیں
    • اپنے بچے کو زندگی میں بہترین ممکنہ شروعات فراہم کرنے میں
  • آپ کی نرس:
    • اپنے ذاتی مقاصد (جیسے تعلیم اور ملازمت) کے تعلق سے بھی آپ کی مدد کر سکتی ہیں
    • آپ کو دیگر وسائل اور خدمات، جیسے صحت بیمہ، ذہنی صحت کی نگہداشت، نگہداشت اطفال، اور تعلیمی پروگرامز سے منسلک بھی کر ستی ہے
  • آپ اپنے حمل کے دوران جتنا جلدی چاہیں ‏NYC NFP‏ کے لیے سائن اپ کر سکتی ہیں لیکن آپ کے 28 ویں ہفتہ کے بعد نہیں کر سکتیں۔
  • آپ اپنی ترک وطن کی حیثیت سے قطع نظر ‏NYC NFP‏ کی خدمات حاصل کر سکتے ہیں

2. اپنی اہلیت کا تعین کریں

اگر آپ مندرجہ ذیل سوالات کا جواب ‘ہاں‘ میں دے سکتے ہیں تو آپ ‏NYC NFP‏ کے لیے اہل ہیں:

  1. کیا آپ اپنے پہلے بچے کے ساتھ 28 ہفتوں سے یا اس سے کم وقت سے حاملہ ہیں؟
  2. کیا آپ نیو یارک شہر میں رہتی ہیں؟
  3. کیا آپ ‏Medicaid‏ یا ‏WIC‏ کے لیے اہل ہیں یا آپ کو یقین ہے کہ آپ اہل ہو سکتے ہیں۔

یہ پروگرام عمر، ترک وطن کی حیثیت، یا صنفی شناخت سے قطع نظر، تمام اہل والدین کے لیے دستیاب ہے۔

یہ دیکھنے کے لیے کہ کیا آپ اس اور دیگر 30 پروگرامز کے لیے اہل ہیں، ایک مختصر سروے میں حصہ لیں۔

کیا میں اہل ہوں؟

3. درخواست کیسے دیں

آپ کی آپشنز یہاں ہیں۔

آن لائن درخواست دیں

پہلی بار والدین بننے والے‏ ‏nycnfp@health.nyc.gov‏ پر ای میل کر کے پروگرام کے لیے درخواست دے سکتے ہیں اور ذاتی نرس حاصل کر سکتے ہیں۔

خدمات فراہم کنندگان‏ ‏‎ریفرل فارم پُر کر کے اور ‏nycnfp@health.nyc.gov‏ پر اسے ای میل کر کے مریضوں یا کلائنٹس کو ‏NYC NFP‏ کے پاس ریفر کر سکتے ہیں۔

ریفرل فارم ڈاؤن لوڈ کریں

بذریعہ فون درخواست دیں

اس پر بعد میں واپس آئیں۔
ہم آپ کو اس صفحے کا ایک لنک بھی بھیج سکتے ہیں، تاکہ آپ کی اس وقت واپس آنے میں مدد کی جا سکے، جب آپ تیار ہوں۔

اس پروگرام کے حوالے سے مدد حاصل کرنے کے مزید طریقے

ویب سائٹ ملاحظہ کریں

آپ کی ذاتی نرس آپ کے حمل کے دوران اور اس کے علاوہ بھی کس طرح آپ کا سپورٹ کر سکتی ہیں اس بارے میں مزید جاننے کے لیے ‏NYC NFP‏ کی ویب سائٹ ملاحظہ کریں۔

NYC NFP‏ کو ای میل کریں

NYC NFP‏ کے بارے میں آپ کا جو بھی سوال ہو اسے آپ ای میل کر سکتی ہیں۔

311 پر کال کریں

‏311‏‎‏ پر کال کر کے بتائیں کہ آپ پہلی بار والدین بنے ہیں اور نرس فیملی پارٹنرشپ میں دلچسپی رکھتے ہیں۔

NYC NFP‏ کو کال کریں

مزید معلومات کے لیے ‏NYC NFP‏ کو ‏‎347-396-4200‏ پر کال کریں۔

Last Updated اکتوبر 2, 2023

Stay updated on benefits

Get occasional emails about benefits news, upcoming enrollment periods, and deadlines. Translations are available in 11 languages.