گھر کے معذور مالکوں کے لیے پراپرٹی ٹیکس میں وقفہ

DHE کے لیے اہل ہونے کی خاطر، آپ کا ان شرائط کو پورا کرنا ضروری ہے:

1. ایک، دو، یا تین خاندانی گھر، کونڈو، یا کوآپ اپارٹمنٹ کے مالک ہوں۔
2. پراپرٹی کے تمام مالکان معذوریوں کے شکار افراد ہوں۔ تاہم، اگر آپ اپنے شریکِ حیات یا بہن/بھائی کے ساتھ مشترکہ طور پر جائیداد کے مالک ہیں، تو اہل ہونے کے لیے آپ میں سے صرف ایک کا معذور ہونا ضروری ہے۔
3. یہ لازمی ہے کہ آپ پراپرٹی کو اپنی بنیادی رہائش گاہ کے طور پر اختیار کریں۔
4. تمام مالکان کی مشترکہ آمدنی $58,399 سے کم یا اس کے برابر ہونی ضروری ہے۔

اگر آپ کی املاک ہاؤسنگ ڈیولپمنٹ فنڈ کارپوریشن (Housing Development Fund Corporation) کی ڈیولپمنٹ میں ہے اور متبادل نظم و نسق کے پروگرام کے شعبے (Division of Alternative Management Program) میں ہے تو آپ اہل قرار ہو سکتے ہیں۔

آپ کی املاک لمیٹڈ پرافٹ ہاؤسنگ کمپنی (Limited Profit Housing Company)، مشیل لاما (Mitchell-Lama)، لمیٹڈ ڈیویڈنڈ ہاؤسنگ کمپنی (Limited Dividend Housing Company) یا ری ڈیولپمنٹ کمپنی کے زیر اختیار ہاؤسنگ ڈیولپمنٹ میں نہیں ہو سکتی ہے۔ اگر آپ پُریقین نہیں ہیں تو اپنے پراپرٹی مینیجر سے رابطہ کریں۔