1. یہ کیسے کام کرتا ہے
Home First اہل قرار یافتہ گھر خریدنے والوں کو گھر کی جزوی ادائیگی یا اختتامی لاگتوں کے ضمن میں $100,000 تک دیتا ہے۔
- آپ HomeFirst کا لون 1-4 فیملی والے گھر، کونڈومینیم، یا کو آپریٹو کے لیے استعمال کر سکتے ہیں۔ آپ لازمی طور پر نیو یارک سٹی کے پانچوں بورو میں سے کسی ایک میں خرید رہے ہوں۔
- HomeFirst کے لون کی زیادہ سے زیادہ رقم $100,000 ہے۔ HomeFirst کے لون کی زیادہ سے زیادہ رقم کا تعین کرنے کے لیے فارمولا گھر کی قیمت خرید کا 20% یا $100,000 ہے، جو بھی کم ہو۔
- HomeFirst کا لون لینے کے لیے، آپ کو آمدنی کی حدود وغیرہ کے لیے اہلیت کے معیار کو پورا کرنا ہوتا ہے۔ آپ کو HomeFirst پروگرام میں شرکت کرنے والے کسی مستعار دہندہ سے رہن بھی لینا ہوگا۔
- آپ پانچوں بورو میں سے کسی میں بھی مشاورتی ایجنسی سے HomeFirst کے لون کے لیے درخواست دینے میں مدد حاصل کر سکتے ہیں۔ مشیر:
- ہوم بائر ایجوکیشن (Homebuyer Education) کلاس میں آپ کا اندراج اور آپ کی تکمیل کی تصدیق کر سکتا ہے۔
- ابتدائی اہلیت۔
- پروگرام کے تقاضوں کے بارے میں آپ کو مشورہ دے سکتا ہے۔
- پیشگی منظوری کے لیے آپ کو شرکت کنندہ مستعار دہندہ کے پاس بھیج سکتا ہے۔
- اگر آپ مخصوص تقاضے پورا کرتے ہیں تو آپ کو لون کی واپس ادائیگی نہیں کرنی ہوگی۔
- HomeFirst کے لون کی تمام شرائط دیکھیں۔
اگلا سیکشن:
اس پروگرام کے حوالے سے مدد حاصل کرنے کے مزید طریقے
ویب سائٹ ملاحظہ کریں
HomeFirst کی جزوی ادائیگی میں اعانت پروگرام کے بارے میں مزید جانیں۔
HomeFirst کا لون حاصل کرنے کے بارے میں شرائط پڑھیں۔
2. اپنی اہلیت کا تعین کریں
HomeFirst کے لون کے لیے اہل قرار پانے کے واسطے آپ کو آمدنی کے تقاضے پورے کرنے ہوں گے:
| افراد خانہ کی تعداد | زیادہ سے زیادہ گھریلو آمدنی (80% AMI) |
| 1 | $87,100 |
| 2 | $99,550 |
| 3 | $111,950 |
| 4 | $124,400 |
| 5 | $134,350 |
| 6 | $144,300 |
| 7 | $154,250 |
| 8 | $164,200 |
آپ کو یہ تمام معیارات بھی پورے کرنے ہوں گے:
- پہلی بار گھر کے خریدار ہوں۔
- اس کا مطلب یہ ہے کہ آپ HomeFirst کے لون سے گھر خریدنے سے تین سال پہلے گھر کی ملکیت نہیں رکھ سکتے۔
- یہ تقاضا DD-214 والے ان سابق امریکی فوجیوں کے لیے معاف کر دیا گیا ہے جس سے باعزت سروس کی تصدیق ہوتی ہو۔
- گھریلو آمدنی کی اہلیت کی تصدیق کرنے کے لیے دستاویزات فراہم کریں۔
- اس میں ٹیکس ریٹرنز، ادائیگی کی پرچیاں، منافع اور خسارہ کے گوشوارے، یا دیگر دستاویزات شامل ہیں۔
- HPD سے منظور شدہ مشاورتی ایجنسی کے ذریعہ پڑھایا جانے والا ہوم بائر ایجوکیشن کا کورس مکمل کریں۔
- کچھ جزوی ادائیگی یا اختتامی لاگتیں ادا کریں۔
- اس بینک سے رہن حاصل کریں جن کے لون وفاقی یا ریاستی ایجنسی کے تابع ہوں۔ رہن حاصل کرنے کے لیے آپ کو درکار ہوگا:
- ملازمت کا ریکارڈ، اور
- کافی مالی وسائل اور کریڈٹ
- 1-4 فیملی والا گھر، کوآپریٹو، یا کنڈومینیم خریدیں۔
- یہ نیو یارک سٹی کے پانچوں بورو میں ہونا ضروری ہے۔
- قیمت خرید منظور شدہ حدود کے اندر ہونا ضروری ہے۔
- گھر کا رہائشی معائنہ میں پاس ہونا ضروری ہے جس سے تصدیق ہو کہ یہ رہنے کے لیے محفوظ ہے۔
- اپنی ابتدائی رہائش کے بطور اس گھر میں رہیں۔ لون کی رقم کے لحاظ سے، آپ کو گھر میں رہنا ہوگا کم از کم:
- $40,000 سے کم یا اس کے برابر لون کے لیے 10 سال
- $40,000 سے زیادہ بڑے لون کے لیے 15 سال۔
اگلا سیکشن:
3. آپ کو کیا شامل کرنے کی ضرورت ہے
آپ کو دکھانا ہوگا:
- آمدنی کا ثبوت (ٹیکس ریٹرنز، ادائیگی کی پرچیاں، منافع اور خسارہ کے گوشوارے یا دیگر دستاویزات جن سے آپ کی آمدنی کی تصدیق ہوتی ہو)۔
- ملازمت کے ریکارڈز
- کافی مالی وسائل اور کریڈٹ کا ثبوت
اگلا سیکشن:
4. درخواست کیسے دیں
آن لائن درخواست دیں
مشاورتی ایجنسی سے رابطہ کر کے HomeFirst کا لون حاصل کرنے کا عمل شروع کریں۔ اپنے قریب میں کوئی مشیر تلاش کریں۔ نیچے اسکرول کر کے "Counseling Agencies” (مشاورتی ایجنسیاں) پر جائیں۔ مشیر HomeFirst کی نقد ادائیگی کے اعانت پروگرام کے لیے آپ کی اہلیت چیک کرنے میں مدد کرے گا۔
اس پر بعد میں واپس آئیں۔
ہم آپ کو اس صفحے کا ایک لنک بھی بھیج سکتے ہیں، تاکہ آپ کی اس وقت واپس آنے میں مدد کی جا سکے، جب آپ تیار ہوں۔
اپنا ای میل یا فون نمبر فراہم کر کے، آپ اپنے ACCESS NYC عوامی بینیفٹس کی اسکریننگ کے نتائج کے حوالے سے سٹی آف نیو یارک کی جانب سے رابطہ کئے جانے پر اتفاق کرتے/کرتی ہیں۔ ACCESS NYC میں آپ کی سرگرمی گمنام ہوتی ہے مگر اپنا فون نمبر فراہم کرنے سے آپ کی شناخت ہو سکتی ہے اور اس بات کا پتہ چل سکتا ہے کہ آپ نے ویب سائیٹ استعمال کی ہے۔ اس بارے میں مزید جاننے کے لیے کہ سٹی آپ کی جانب سے ACCESS NYC کے ساتھ اشتراک کئے گئے ڈیٹا کو کیسے استعمال کر سکتا ہے،Terms of Use for NYC.gov او Privacy Policy for NYC.gov.