مرکزی متن پر جائیں

کام کاجی افراد اور فیملیز کے لیے ٹیکس کریڈٹ

کمائی گئی آمدنی پر ٹیکس کریڈٹ (EITC) | انٹرنل ریونیو سروس (Internal Revenue Service, IRS)

شروعات کریں

یہ کس طرح کام کرتا ہے

ارنڈ انکم ٹیکس کریڈٹ (‎Earned Income Tax Credit, EITC) ایک ٹیکس کریڈٹ ہے جو اگر آپ کام کرتے ہیں اور آپ کی آمدنی کم سے درمیانی سطح تک ہے تو آپ کو مالی فائدہ (رقم کی واپسی) فراہم کر سکتا ہے۔

  • اوسطاً، اہل نیو یارکرز کو وفاقی، ریاستی اور شہری کریڈٹس ملا کر ‎$2,300 ملتے ہیں (یہ مجموعی کریڈٹ ‎ $11,000تک ہو سکتا ہے)
  • آپ EITC کا دعویٰ کر سکتے ہیں چاہے آپ کل وقتی کام کرتے ہوں، جز وقتی کام کرتے ہوں، یا خود روزگار ہوں
  • وہ والدین جن کے پاس بچوں کی حضانت نہیں ہے، وہ بھی ریاستی کریڈٹس کے اہل ہو سکتے ہیں اگر وہ بچوں کی کفالت (چائلڈ سپورٹ) کی ادائیگیوں میں باقاعدہ ہوں۔
  • اس کریڈٹ کا دعویٰ کرنے کے لیے آپ کو ٹیکس ریٹرن جمع کروانا ضروری ہے — سال 2025 کا ریٹرن جمع کرانے کی آخری تاریخ 15 اپریل 2026 ہے۔
  • NYC فری ٹیکس پریپ کے ذریعے موجودہ اور پچھلے سالوں کے ٹیکس ریٹرنز جمع کرانے میں مدد حاصل کریں

اہلیت کے تقاضے

وفاقی EITC کے لیے آمدنی کی شرائط

آپ کی 2025 کی آمدنی ان حدود کے اندر ہونی چاہیے:

خاندان کی قسم سالانہ آمدنی کی حد
اہل بچوں کے ساتھ شادی شدہ ‎$68,675 تک
اہل بچوں کے بغیر شادی شدہ ‎$26,214 تک
اہل بچوں کے ساتھ غیر شادی شدہ ‎$61,555 تک
اہل بچوں کے بغیر غیر شادی شدہ ‎$19,104 تک

دیگر وفاقی تقاضے

  • آپ کے پاس ایک درست سوشل سیکیورٹی نمبر ہونا ضروری ہے
  • آپ کی 2025 میں سرمایہ کاری سے حاصل ہونے والی آمدنی ‎$11,950 سے کم ہونی چاہیے
  • اگر آپ کے زیرِ کفالت افراد (جیسے آپ کے بچے، سوتیلے بچے، زیرِ پرورش بچے یا پوتے/نواسے) نہیں ہیں، تو آپ کی عمر 25 سے 64 سال کے درمیان ہونی چاہیے
  • آپ EITC کا دعویٰ کر سکتے ہیں اگر آپ کے زیرِ کفالت افراد سال کے آدھے سے زیادہ عرصے تک آپ کے ساتھ رہے ہوں اور 2025 کے آخر تک آپ قانونی طور پر علیحدہ ہو چکے ہوں یا 2025 کے آخری چھ ماہ کے دوران اپنے شریکِ حیات سے الگ رہے ہوں۔

ریاستی اور شہری کریڈٹس کے لیے تقاضے

اگر آپ وفاقی EITC کے لیے اہل ہیں تو ریاستی ٹیکس فائل کرتے وقت آپ خود بخود New York اسٹیٹ اور سٹی کریڈٹس کے لیے بھی اہل ہو جاتے ہیں۔

یقین نہیں ہے کہ کیا آپ اہل ہیں؟ اپنی اہلیت چیک کرنے کے لیے IRS کیلکولیٹر استعمال کریں۔


مطلوبہ دستاویزات

ٹیکس فائل کرنے کے لیے آپ کو مخصوص دستاویزات درکار ہوں گی، جیسے W-2s، رسیدیں، اور ID۔


درخواست کیسے دیں

آن لائن درخواست دیں

ٹیکس کریڈٹس کا دعویٰ کرنے کے لیے آپ کو اپنا وفاقی اور New York اسٹیٹ ٹیکس ریٹرن جمع کروانا ضروری ہے۔

اگر آپ نے اہل زیرِ کفالت افراد کے ساتھ ‎$97,000 یا اس سے کم، یا بغیر زیرِ کفالت افراد کے ‎$68,000 یا اس سے کم کمائی کی ہے، تو آپ NYC فری ٹیکس پریپ کے ذریعے مفت فائل کر سکتے ہیں اور اپنی مکمل رقم کی واپسی حاصل کر سکتے ہیں۔ مزید معلومات کے لیے، ‏nyc.gov/taxprep‏ ملاحظہ کریں یا 311 پر کال کریں اور ٹیکس کی تیاری میں اعانت کی گزارش کریں۔

شروعات کریں

بذریعہ ڈاک درخواست دیں

اگر اپنے ٹیکس میل کے ذریعے فائل کر رہے ہیں تو، آپ کو ان فارموں کی ضرورت ہوگی:

مدد حاصل کریں

ملاحظہ کریں: nyc.gov/taxprep

NYC میں مفت ٹیکس فائلنگ خدمات کے بارے میں مزید معلومات حاصل کریں، بشمول ٹیکس کریڈٹس سے متعلق اکثر پوچھے جانے والے سوالات۔

311 پر کال کریں

ٹیکس کی تیاری میں مدد طلب کریں۔

VITA یا TCE کا مقام تلاش کریں

قریب ترین رضاکارانہ انکم ٹیکس میں معاونت (VITA) یا بزرگ افراد کے لیے ٹیکس سے متعلق مشاورت (TCE) حاصل کرنے کے لیے 800-906-9887 پر کال کریں۔


اس پر بعد میں واپس آئیں۔
ہم آپ کو اس صفحے کا ایک لنک بھی بھیج سکتے ہیں، تاکہ آپ کی اس وقت واپس آنے میں مدد کی جا سکے، جب آپ تیار ہوں۔


Last Updated مارچ 24, 2026

مراعات سے باخبر رہیں

مراعات کی خبروں، آنے والے اندراج کی مدتوں، اور آخری تاریخوں کے بارے میں وقتا فوقتا ای میلز حاصل کریں۔ 11 زبانوں میں ترجمے دستیاب ہیں۔