مرکزی متن پر جائیں
معذوریوں کے حامل افراد

معذوریوں کے حامل افراد کے لیے پبلک ٹرانسپورٹ

Access-A-Ride (AAR) | نیویارک سٹی ٹرانزٹ

1. یہ کیسے کام کرتا ہے

ایکسس اے رائیڈ (AAR) پارا ٹرانزٹ سروس معذور اور صحت کی ایسی کیفیات میں مبتلا اہل گاہکوں کے لیے عوامی نقل و حمل فراہم کرتی ہے جن کی وجہ سے وہ اپنے بعض یا کل ٹرپس کے لیے عوامی بسوں اور سب ویز استعمال نہيں کر پاتے ہیں۔ AAR 24/7/365 چلتی ہے۔

  • کرایہ پبلک ٹرانسپورٹ کے پورے کرائے جتنا ہی ہے
  • آپ کی شخصی تشخیص کے بعد AAR آپ کی درخواست پر عمل درآمد میں 21 دن تک کا وقت لے سکتا ہے
  • اگر آپ ہر ہفتے کم از کم ایک مرتبہ ایک مخصوص وقت پر کسی مقررہ مقام پر جاتے/جاتی ہیں تو ایک سبسکرپشن سروس بھی دستیاب ہے
  • کچھ گاہکوں کو ایک پرسنل کیئر اٹینڈنٹ (PCA) کی معاونت کی ضرورت ہوتی ہے جو ذاتی نوعیت کے ایسے کام انجام دیتا ہے جو سفر کے دوران ڈرائیوروں کو کرنے کی اجازت نہیں ہوتی۔ پرسنل کیئر اٹینڈنٹ مفت میں سفر کرتے ہیں
  • AAR کے کچھ استعمال کنندگان AAR میٹرو کارڈ کے لیے درخواست کر سکتے ہیں جو پبلک بسوں اور ٹرینوں پر دن میں چار دفعہ مفت سفر کے لیے استعمال کیا جا سکتا ہے

2. اپنی اہلیت کا تعین کریں

آپ Access-A-Ride کے لیے اہل ہو سکتے/سکتی ہیں اگر آپ کسی ایسی معذوری کا شکار ہیں جو آپ کو اپنے کچھ یا تمام سفروں کے لیے قابل رسائی بسوں یا سب وے کا استعمال کرنے سے روکتی ہے۔ آپ کے شخصی جائزے کے موقع پر آپ سے یہ سب کر کے دکھانے کو کہا جائے گا:

  • سب وے کی سیڑھیاں چڑھنا یا اترنا،
  • کسی سب وے یا بس اسٹیشن تک سفر کرنا،
  • سب وے یا بس پر چڑھنا، اس پر سفر کرنا یا اس سے اترنا،
  • اور خود سے بس یا سب وے سسٹم پر سفر کرنا یا اس میں راستہ تلاش کرنا۔

اس سے ہمیں یہ فیصلہ کرنے میں مدد ملے گی کہ آیا آپ Access-A-Ride کی خدمات کے لیے جزوی یا کلی طور پر اہل ہیں۔ براہ کرم تحریری شکل میں بتائیں کہ آپ کی معذوری کیسے آپ کو قابل رسائی بسوں یا سب وے کا استعمال کرنے سے روکتی ہے اور کون سی دوسری کیفیتیں آپ کو بس یا سب وے تک پہنچنے اور اس کا انتظار کرنے سے روکتی ہیں (فٹ پاتھ ٹوٹی پھوٹی حالت میں ہے، پہاڑی علاقہ، بیٹھنے کے لیے سیٹوں والا بس شیلٹر نہیں ہے، وغیرہ)۔

3. درخواست کیسے دیں

آپ کی آپشنز یہاں ہیں۔

خود جا کر درخواست دیں

فہرست کو چھپائیں یہ فہرست دکھائیں
  1. ملاقات کا وقت لینے کے لیے 2017-337-877 پر کال کریں اور ہدایت ملنے پر 1 دبائیں۔
  2. جب آپ ملاقات کا وقت لیں تو اگر آپ کو مندرجہ ذیل میں سے کسی کی ضرورت ہو تو عملے کو بتائیں:
    1. بڑے حروف، ابھرے ہوئے حروف یا ریکارڈ شدہ فارمیٹ میں مواد
    2. اشاروں کی زبان کا مترجم
    3. آپ کے ساتھ سفر کرنے کے لیے ایک پرسنل کیئر اٹینڈنٹ
    4. ٹیلی فون پرمترجم کی خدمات
  3. آپ کی طرف سے ملاقات کا وقت لیے جانے کے بعد آپ کو درخواست کا پیکیج بذریعہ ڈاک بھیجا جائے گا۔ پیکیج میں درخواست فارم، آپ کی ملاقات کے وقت کے بارے میں ایک خط، اور جانچ مرکز تک آنے جانے کے لیے نقل و حمل کی ہدایات شامل ہوں گی۔
    1. نقل و حمل کا شیڈول طے کرتے وقت، اگر آپ کسی پرسنل کیئر اٹینڈنٹ کے ساتھ سفر کریں گے/گی تو اس بارے میں ذکر کریں۔
  4. اگر آپ کو AAR کے لیے اپنی اہلیت کے بارے میں بذریعہ ڈاک اطلاع موصول نہ ہو تو 2017-337-877 (ہدایت ملنے پر 1 دبائیں) پر کال کریں۔

اس پر بعد میں واپس آئیں۔
ہم آپ کو اس صفحے کا ایک لنک بھی بھیج سکتے ہیں، تاکہ آپ کی اس وقت واپس آنے میں مدد کی جا سکے، جب آپ تیار ہوں۔

اس پروگرام کے حوالے سے مدد حاصل کرنے کے مزید طریقے

ویب سائیٹ ملاحظہ کریں

مزید معلومات کے لیے Access-A-Ride کی ویب سائٹ ملاحظہ کریں۔

311 پر کال کریں

Access-A-Ride کے لیے کہیں۔

Access-A-Ride کو کال کریں

اگر Access-A-Ride کے لیے درخواست دینے کے حوالے سے آپ کے کوئی سوالات ہیں، تو 2017-337-877 پر کال کریں۔