مرکزی متن پر جائیں
خاندانی سروسز

بدسلوکی، نظراندازگی یا استحصال کے خطرے سے دوچار بالغوں کی مدد

بالغان کے تحفظ کی خدمات (APS) | NYC انتظامیہ برائے انسانی وسائل (Human Resources Administration, HRA)

1. یہ کیسے کام کرتا ہے

APS بدسلوکی، نظراندازگی، یا استحصال کے خطرے سے دوچار بالغوں کی مدد کرتا ہے۔

اگر آپ کو یا آپ کے جان پہچان کے کسی شخص کو مدد کی ضرورت ہے تو، 1853-630-212 پر کال کر کے یا اس کے نام اور رابطہ کی معلومات کے ساتھ apsrefer@hra.nyc.gov پر ای میل کر کے اسے APS سے رابطہ کرنے کا کہیں۔

  • کوئی بھی شخص بالغ شخص کو APS کے پاس بھیج سکتا ہے۔ اگر آپ کو ضرورت ہو تو آپ خود رجوع کر سکتے ہیں۔
    • حوالہ جات گمنام طور پر کیے جا سکتے ہیں۔
  • جن بالغ افراد کو APS کے حوالے کی ضرورت پڑ سکتی ہے انہیں اپنی بنیادی ضروریات جیسے خوراک، پناہ گاہ یا نگہداشت صحت کو پورا کرنا مشکل ہو سکتا ہے کیونکہ:
    • خود کو نظر انداز کرنا – جو کہ معذوری کی وجہ سے ہو سکتا ہے۔
    • بدسلوکی – جسمانی، زبانی، جنسی اور مالی وغیرہ ہو سکتی ہے۔
    • نظر انداز کرنا – خود کو نظر انداز کرنے یا دوسروں کی جانب سے ناکافی دیکھ بھال کی وجہ سے ہو سکتا ہے۔
    • مالی استحصال – کوئی شخص ان سے مالی فائدہ اٹھانے کیلئے ہیرا پھیری کر رہا ہے یا ان کی چیزیں چوری کر رہا ہے۔
  • APS کیس ورکرز آپ کے کیس کا جائزہ لیں گے اور مدد کا منصوبہ بنائیں گے۔ مدد میں درج ذیل شامل ہیں:
    • آپ کی ضروریات کا جائزہ لینے اور بدسلوکی، نظراندازگی یا استحصال کی رپورٹس کی چھان بین کرنے کیلئے آپ کے گھر جانا
    • عوامی مراعات کیلئے درخواست دینے میں آپ کی مدد کرنا
    • نفسیاتی اور/یا طبی معائنے اور جاری نگہداشت کیلئے حوالہ جات
    • استحصال اور بدسلوکی کے الزامات کا مسئلہ حل کرنے کیلئے NYPD اور ڈسٹرکٹ اٹارنی کے حوالہ جات
    • رہائش کے متبادل انتظامات کی نشاندہی کرنا
    • بے دخلی کی روک تھام میں مدد کیلئے گارڈین ایڈ لائٹم کیلئے ہاؤسنگ کورٹ میں عرضی دینا
    • مالی اور گھریلو معاملات کے انتظام و انصرام کیلئے کمیونٹی گارڈینز کیلئے سپریم کورٹ میں عرضی دینا
    • بھاری ڈیوٹی والی صفائی کی خدمات
  • کسی بھی ہنگامی یا جان لیوا صورتحال میں جہاں کسی شخص کو فوری مدد کی ضرورت ہو، 911 پر کال کریں۔

2. اپنی اہلیت کا تعین کریں

APS کا اہل ہونے کیلئے، آپ کو درج ذیل سوالات کا جواب ہاں میں دینے کے قابل ہونا چاہیے:

  • کیا آپ کی عمر 18 یا اس سے زیادہ ہے؟
  • کیا آپ کو کوئی جسمانی یا ذہنی معذوری لاحق ہے؟
  • کیا آپ دوسروں کی مدد کے بغیر خود اپنے وسائل کا انتظام کرنے، روزمرہ کی سرگرمیاں انجام دینے، یا خود کو خطرناک حالات سے بچانے سے قاصر ہیں؟
  • کیا آپ کے پاس کوئی ایسا شخص دستیاب نہیں ہے جو ذمہ داری کے ساتھ آپ کی اعانت کرنے کا خواہاں اور اہل ہے؟

اس پروگرام کے حوالے سے مدد حاصل کرنے کے مزید طریقے

ویب سائٹ ملاحظہ کریں

HRA کی ویب سائٹ میں APS کے بارے میں مزید معلومات ہیں۔

311 پر کال کریں

بالغوں کی حفاظتی خدمات طلب کریں۔

APS کو کال کریں

اگر پروگرام کے بارے میں آپ کے سوالات ہوں تو، یا حوالہ دینے کیلئے APS کو 1853-630-212 پر کال کریں۔

911 پر کال کریں

اگر کوئی ہنگامی یا جان لیوا صورتحال ہو اور کسی شخص کو فوری مدد کی ضرورت ہو۔

Last Updated بدھ, جنوری 26th, 3:29شام

Stay updated on benefits

Get occasional emails about benefits news, upcoming enrollment periods, and deadlines. Translations are available in 11 languages.