مرکزی متن پر جائیں

بچوں والی فیملیز کے لیے کرایے میں مدد

خاندان کی بے گھر ہونے کی حالت اور بے دخلی کی روک تھام میں مدد (FHEPS) | NYC کا محکمہ برائے بے گھر افراد سے متعلق خدمات (NYC Department of Homeless Services, DHS), انسانی وسا‏ئل انتظامیہ (NYC Human Resources Administration, HRA)

یہ کیسے کام کرتا ہے

FHEPS‏ ان خاندانوں کا پورا کرایہ یا کچھ کی ادائیگی کرتا ہے جنہیں بے دخل کر دیا گیا ہے، جو بے دخلی کا سامنا کر رہے ہیں، یا جو خانگی تشدد کے سبب رہائش سے محروم ہو گئے ہیں۔ اہل ہونے کے لیے فیملیز کو لازمی طور پر نقد اعانت ‏(‏Cash Assistance, CA‏)‏ موصول ہوتی ہو۔ جو فیملیز صحت یا سلامتی کے امور کی وجہ سے، یا عدالت کے مخصوص فیصلوں کے سبب رہائش سے محروم ہو گئے ہیں وہ ‏FHEPS‏ کے لیے اہل ہو سکتے ہیں۔

  • اگر آپ پہلے ہی اپنے گھر سے محروم ہو گئے ہیں تو آپ ‏FHEPS‏ کو اپنے گھر میں رہنے، نیو یارک سٹی میں ہی منتقل ہونے، یا پناہ گاہ سے باہر منتقل ہونے کے لیے استعمال کر سکتے ہیں۔
  • جو گھر آپ کو ملا ہے اس میں آپ کو کم از کم 12 ماہ تک رہنے کا اہل ہونا ضروری ہے۔
  • بہت ساری فیملیز ‏FHEPS‏ اور اپنی نقد اعانت کے پناہ گاہ بھتہ کے ذریعے اپنے پورے کرایے کی تلافی کروائیں گی۔
    • FHEPS‏ جتنی رقم ادا کرے گا اس کا انحصار آپ کے گھرانے کی آمدنی اور آپ کے گھرانے میں موجود لوگوں کی تعداد پر ہوگا۔
  • آپ کو کرایے کا بعض حصہ ادا کرنا پڑ سکتاہے اگر:
    • آپ کے پاس ‎یا جس کے ساتھ آپ اپنا گھر شیئر کرتے ہیں اس کے پاس آمدنی ہے۔
    • اگر آپ کے گھرانے میں ایسا فرد شامل ہے جس کے لیے آپ کی نقد اعانت کے کیس پر رہنا ضروری ہے، مثلاً ایسا فرد جس کو سپلیمنٹل سیکیورٹی انکم ‏(‏Supplemental Security Income, SSI‏)‏ ملتی ہے۔
  • FHEPS‏ غیر ادا شدہ مؤخر کرایے کا بعض حصہ ادا کر کے آپ کی موجودہ رہائش برقرار رکھنے میں آپ کی مدد کر سکتا ہے۔
  • اگر درج ذیل میں سے کوئی معاملہ پیش آتا ہے تو ‏FHEPS‏ کی ادائیگیاں رک جائیں گی:
    • نقد ‎اعانت کا آپ کا کیس بند ہو جاتا ہے۔
    • آپ کی فیملی میں 18 سال سے کم عمر کا کوئی بچہ اب نہیں رہا۔
    • آپ کی فیملی میں 19 سال سے کم عمر کا کوئی ایسا بچہ اب نہیں رہا جو ہائی اسکول یا حرفتی یا تکنیکی تربیتی پروگرام میں باقاعدگی سے جانے والا کل وقتی طالب علم ہو۔

اپنی اہلیت کا تعین کریں

  1. آپ کی فیملی کے پاس درج ذیل میں سے ایک ہونا لازم ہے:
    • ‏ ‏‎18‏ سال سے کم عمر کا بچہ
    • 19 سال سے کم عمر کا کوئی ایسا بچہ جو کل وقتی ہائی اسکول یا حرفتی یا تکنیکی تربیتی پروگرام میں اندراج یافتہ ہو
    • ‏ ‎حاملہ خاتون‏ ‏
  2. آپ کی فیملی پر ان میں سے ایک لاگو ہونا لازم ہے:
    • نقد اعانت کا ایک فعال کیس ہو
    • اگر آپ پناہ گاہ میں ہیں تو، پناہ گاہ سے آپ کے روانہ ہوتے وقت نقد اعانت کے لیے اہل قرار پاتے ہوں
  3. آپ کی فیملی پر درج ذیل میں سے ایک پورا کرنا بھی لازم ہے:
    • آپ HRA‏ کی پناہ گاہ میں ہوں
    • آپ DHS‏ کی پناہ گاہ میں ہوں اور آپ ‏HRA‏ کی پناہ گاہ کے لیے اہل ہوں۔
    • آپ DHS‏ کی پناہ گاہ میں ہوں اور پناہ گاہ میں آپ کے داخل ہونے سے قبل اس سال کسی وقت آپ کو ‏NYC‏ میں بے دخل کیا گیا تھا*۔
    • آپ ‎کو فی الحال بے دخل کیا جا رہا ہو یا آّپ کو پچھلے 12 ماہ کے اندر ‏NYC‏ میں بے دخل کیا گیا تھا*۔

*بے دخل کیا گیا تھا کا مطلب ہے:

  • آپ ‎یا آّپ کے گھر کے لیے لیز پر مندرج شخص کے خلاف بے دخلی کی قانونی کارروائی۔
  • آپ کی عمارت یا گھر کے لیے تالہ بندی کی کارروائی۔
  • سٹی کی ایجنسی کے بقول صحت یا حفاظتی وجوہات سے آپ پر اپنی عمارت یا گھر چھوڑ دینا لازم ہے۔
  • مکان مالک نے آپ کو کرایے کے مطالبے کا خط جاری کیا ہے اور کرایہ کی عدم ادائیگی پر بے دخل کرنے کی دھمکی دی ہے۔

درخواست کیسے دیں

خود جا کر درخواست دیں

  • اگر آپ پناہ گاہ میں نہیں ہیں اور آپ بے دخلی یا بے گھری کے خطرے میں ہیں اور نقد اعانت نہیں مل رہی ہے تو، نقد اعانت کے لیے درخواست دیں۔
    • آن لائن درخواست دینے کے لیے، ‏www.nyc.gov/accesshra‏ ملاحظہ کریں یا ‏ACCESS HRA‏ موبائل ایپ استعمال کر کے اپنی درخواست جمع کرائیں۔
    • آپ بذریعہ ڈاک یا بذات خود بھی درحواست دے سکتے ہیں۔ نقد اعانت کا رہنما ملاحظہ کر کے طریقہ جانیں۔
    • اگر آپ کو ایسی طبی یا ذہنی صحت کی کیفیت لاحق ہو جو آپ کے لیے نقد اعانت کے لیے درخواست دینا مشکل بنا دیتی ہو تو ‏HRA‏ انفولائن کو ‎718-557-1399‏ پر کال کریں۔
  • اگر آپ کو پہلے سے ہی نقد اعانت مل رہی ہے اور آپ بے دخلی یا بے گھری کے خطرے میں ہیں تو، بقایاجات ادا کرنے میں مدد کے لیے خصوصی گرانٹ کی درخواست کریں۔
    • آن لائن درخواست دینے کے لیے، ‏www.nyc.gov/accesshra‏ ملاحظہ کریں یا ‏ACCESS HRA‏ موبائل ایپ استعمال کر کے اپنی درخواست جمع کرائیں۔ نئی درخواست جمع نہ کرائیں۔
  • اگر آپ پناہ گاہ میں ہوں تو، آپ کی پناہ گاہ کا ہاؤسنگ اسپیشلسٹ/کیس مینیجر ‏FHEPS‏ کی وضاحت کرے گا اور ایک اپارٹمنٹ تلاش کرنے میں آپ کی مدد کرے گا۔
    • پناہ گاہ میں موجود جو فیملیز ‏FHEPS‏ کے لیے منظور شدہ ہیں وہ فرنیچر بھتہ اور منتقلی میں اعانت موصول کرنے کے لیے اہل ہو سکتی ہیں۔
    • اگر آپ کمیونٹی میں ہیں اور آپ کے منتقل ہونے میں مدد کے لیے ‏FHEPS‏ کی ضرورت ہے تو، اپنے مقامی ‏Homebase‏ فراہم کنندہ سے رابطہ کر کے ایک اپائنٹمنٹ شیڈول کریں۔

مزید معلومات

ویب سائٹ ملاحظہ کریں

FHEPS‏ کے بارے میں مزید جانیں۔

311 پر کال کریں

اگر آپ بے دخلی یا بے گھری کے خطرے میں ہیں تو، ‎311‏ پر کال کریں اور اپنے پتے سے قریب ترین ‏Homebase‏ کے مقام، جو چیز لانی ہے اور اپنی میٹنگ میں آپ جس چیز کی توقع کر سکتے ہیں اس کے بارے میں پوچھیں۔

HRA کو کال کریں

جن فیملیز نے ‏HRA‏ کی پناہ گاہ چھوڑ دی ہے انہیں چاہیے کو ‏HRA‏ کو ‏‎929-221-7270‏ پر کال کر کے اپنے مقامی کمیونٹی پر مبنی غیر رہائشی پروگرام سے رابطہ کروائیں۔

بذات خود

اگر آّپ پناہ گاہ میں رہتے ہیں تو، اپنے کیس مینیجر یا ہاؤسنگ اسپیشلسٹ سے رابطہ کریں۔


اس پر بعد میں واپس آئیں۔
ہم آپ کو اس صفحے کا ایک لنک بھی بھیج سکتے ہیں، تاکہ آپ کی اس وقت واپس آنے میں مدد کی جا سکے، جب آپ تیار ہوں۔


Last Updated نومبر 1, 2024

مراعات سے باخبر رہیں

مراعات کی خبروں، آنے والے اندراج کی مدتوں، اور آخری تاریخوں کے بارے میں وقتا فوقتا ای میلز حاصل کریں۔ 11 زبانوں میں ترجمے دستیاب ہیں۔